VOV4.K’ho - Bơsềt là phan sa bơkah ngan, den tàng geh uă ngan cau kờ` rơwah lơh phan sa. Mơya, bơdìh mờ broă geh uă bơsềt gơtùi sa den gam geh ờ uă bơsềt khih, mờ di lah di sa den lơh khih, gơbàn chơ\t di lah ờ sơm mờ lơh di tu\. Kàl mìu tus kung là tu\ bơsềt bu\t uă, den tàng, broă di gơlan gơbàn khih tài sa bơsềt brê sơlơ tơnguh.

           Bồ nhai 6 lài do, bi Y Hung Niê, 21 sơnam kis tàm [òn Kuốp, ntum Dray Sáp, kơnhoàl Krông Ana mờ 6 nă cau tàm hìu neh pal tus piam tàm hìu sơnơm càr Dak Lak tài khih sa bơsềt. Tàm tu\ hơ\, gah sơm kòp tơnpràn să jan mờ sơndră mờ khih neh dờp 2 tàm 7 nă cau di gơbàn ờ pràn leh mhar. Tơnơ\ mờ tu\ neh ngui ală broă sơm, lơh jơh khih, ală cau gơbàn khih do neh sơlèt mờ jroă mờ rơhời bơta pràn kơl dang să jan geh tơnguh. Lài mờ hơ\, bi Y Hung Niê mu\t tàm brê p^c bơsềt hơ\ sồng cèng rê gơm bal mờ [ung mi nàng ală cau tàm hìu in sa bal. tơnơ\ mờ tu\ sa di pơgăp 1 jơ, 7 nă cau sa bơsềt ndrờm gơbàn glar tàm să, jê ndul, hă. Bi Y Hung Niê pà g^t: lài do bi sùm p^c bơsềt tàm brê cèng hìu nhă in sa. Bi ờ g^t đal bơsềt khih mờ bơsềt ngan. Tu\ do bi neh màl, tơnơ\ do ờ sa tai…

           Bơsềt khih là bơsềt geh dà khih. Is mờ bơsềt ngan là geh uă bơta bơkah geh ngui lơh phan sa, bơsềt khih di lah di sa den lơh khih, lơh aniai tus mờ bơta pràn kơl dang să jan. Di lah ờ go\ gờ` mờ sơm di tu\ den lơh aniai uă ngan tus mờ klờm, leh, lơh kơ\t mhàm, lơh ờ pràn uă bơta phan tàm dơlam să mờ di gơlan gơbàn chơ\t.

          Bác sỹ Trịnh Hồng Nhựt, atbồ gah sơm kòp tơnpràn să jan mờ sơndră mờ khih, hìu sơnơm càr Dak Lak pà g^t: “Tàm ală nam do kung bè bơh bồ nam tus tu\ do, gah sơm kòp bol a` sùm dờp ală cau gơbàn khih tài sa bơsềt, cau gơbàn sùm là ală cau ờ g^t đah tàm broă rơwah bơsềt ngan mờ bơsềt khih. Ờ mìng tàm hìu sơnơm càr Dak Lak mờ geh bal tàm ală anih lơh broă sơndră mờ khih dờng ndrờm neh dờp uă ngan cau gơbàn khih bơsềt, mờ gơbàn ờ niam uă bơta phan tàm să jan mờ di gơlan gơbàn chơ\t uă ngan…”

           Gơl^k geh bơh khih bơsềt là tơnơ\ mờ tu\ sa di pơgăp 1 jơ, să jan gơlơh bè gơdan hă, hă, jê ndul, gơjroh ndul bal mờ hoar măt, kơrwài. Kờ` sơndră mờ broă di gơlan gơbàn khih bơsềt, bác sỹ Trịnh Hồng Nhựt bơto sồr làng bol pal ngăc ngar nàng g^t đah bơsềt khih. Mùl màl: “Ală bơta bơsềt khih mờng geh bồ hờ đang mờ bồ bơsềt geh dà pơrhê; geh jơng mờ geh kòng jơng…, tàm dơlam să bơsềt geh dà phồng di mơ, tu\ trồ mang geh tơl^k bơta àng…”

            Bác sỹ Trịnh Hồng Nhựt kung sồr tơnkah ală cau, di lah ờ g^t đah bơsềt ngan mờ bơsềt khih ha là ờ g^t loh măt sơnđan bơsềt den niam ngan ba` sa ală bơta bơsềt hơ\.

            Di lah tơnơ\ mờ tu\ neh sa, să jan gơbàn ală bơta khih den pal mhar cèng mơ cau gơbàn khih bơsềt tus hờ hìu sơnơm kờ` geh sơm di tu\, pleh mờ ală bơta ờ niam gơbàn geh.

                        Cau cih mờ yal tơng^t Ndong Brawl