VOV4.K’ho - Tơnơ\ mờ rơlao 9 nam cri bơyai sùm, pa do rơndăp broă lơh hìu măy pờ tơl^k ồs đèng Drang Phốk di gơlan geh lơh tàm tiah tòm brê dà lơgar sền gàr Yok Đôn, càr Dak Lak geh lơh wơl. Bơta do neh gơbàn dră wơl uă ngan bơh uă làng bol tàm tiah do, kuang bàng đơng lam brê dà lơgar sền gàr Yok Đôn mờ ală cau jăk chài dê.

Nam 2011, anih duh broă làng bol càr Dak Lak ring bal ai anih lơh sa kă bro bơcri priă bơ\t bơtàu mờ ngui Công nghệ pa-TECCO bơh [òn dờng Hồ Chí Minh lơh rơndăp broă lơh hìu măy pờ tơl^k ồs đèng Drang Phôk tàm tiah brê 430, 431 mờ 451, gơwèt tiah brê sền gàr nền nòn brê dà lơgar Yok Đôn. Jăt mờ hơ\, geh 63 lồ brê hòn is gơbàn tam gơl kờ` lơh hìu măy pờ tơl^k ồs đèng geh bơta pràn 26MW, di gơlan geh mu\t lơh tàm lồi nam do. Tu\ jơnau do pa geh yal, den neh gơtìp uă ngan jơnau dră wơl bơh uă gah lơh broă, lài ngan là brê dà lơgar Yok Đôn.

Ồng Huỳnh Nghĩa Hiệp, gơnoar jăt jơng atbồ brê dà lơgar Yok Đôn pà g^t, tiah brê di gơlan geh lơh hìu măy pờ tơl^k ồs đèng là tiah tòm; tu\ kòn bơnus, phan lơh broă, măy mo\k tus lơh broă den lơh aniai uă ngan tus mờ broă sền gàr brê. Do là tiah ơm kis mờ hòn gơs uă bơta chi che geh kuơ bè: chi trắc, kơlte, kơmlài, giáng hương, gụ mật,… mờ uă bơta phan kis geh tàm pang sră pơrhê lơgar Việt Nam mờ dunia bè: rơwas châu Á, kơnreo, klìu, gơbai. Ồng Hiệp đơs: “Brê dà lơgar mìng gam 1 tiah tòm do, mờ tiah do geh uă ngan chi che geh kuơ. Dơ\ 2 tai là phan geh is bè phan brê bal mờ chi che tàm do uă bơta ngan, mờ tàm do mìng geh tàm tiah do mơ. Tiah prăp gàr nền nòn do bè là tiah kờ` ală phan kis, chi che lơh broă, tơnguh bơtàu is di lah tu\ do geh 1 rơndăp broă lơh hìu măy pờ tơl^k ồs đèng lơh broă tàm do den lơh aniai bơta kis tàm dà, bơta kis hờ đang gờl, kơrian gùng lòt bơh ală bơta phan bè hơ\ tiah tòm bơh brê dà lơgar ờ gam geh tai, bơta kuơ sinh học roh jơh”.

Bal mờ broă lơh roh bơta geh uă sinh học tàm brê dà lơgar Yok Đôn dê, di lah rơndăp broă lơh hìu măy pờ tơl^k ồs đèng Drang Phôk geh lơh di gơlan geh lơh aniai uă ngan tus mờ rài kis làng bol gùt dar. Kuơ màng ngan là làng bol tàm ntum Krông Na, kơnhoàl Buôn Đôn, tu\ geh uă làng bol gam kis gơrềng uă ngan bơh dà dờng Srepok dê. Broă bơ\t dà dờng kờ` lơh hìu măy pờ tơl^k ồs đèng geh lơh aniai uă ngan tus mờ dà ngui sa, broă lơh sa bal mờ phan geh bơh dà dê, bơta do ndrờm bal mờ broă kơrian rài kis làng bol. Ồng Y Thông Khăm Niê Kdăm, kuang atbồ anih duh broă làng bol ntum Krông Na ai tơl^k cơng tàng bơh mùl màl lơh ală hìu măy pờ tơl^k ồs đèng tàm dà dờng Srepok neh lơh aniai uă bơta ngan mờ he ờ g^t lài: “Tàm dà dờng do neh geh 7 nơm hìu măy pờ tơl^k ồs đèng, nùs nhơm bal làng bol dê di lah lơh hìu măy pờ tơl^k ồs đèng mờ cèng wơl bơta kuơ dà lơgar, sền gàr bơta kuơ làng bol, sền gàr chi che kis tàm brê, sền gàr ală phan kis tàm brê den lơh, mờ di lah ờ den ba` lơh”.

Ờ mìng ală cau lơh broă tơn tàm brê dà lơgar do ờ su\k ơm tus mờ bơta kis bơh chi che tàm do gơbàn lơh aniai, mờ ală cau jăk chài kung neh uă dơ\ yal lài bè bơta aniai tu\ lơh hìu măy pờ tơl^k ồs đèng tàm tiah brê dà lơgar Yok Đôn.

Tiến sỹ Trần Thế Liên, kuang atbồ đah sền gàr phan geh is dà lơgar đơs là: mìng geh kuơ bè broă lơh sa tềng đăp măt mờ pal gơsơ\t jơh 1 bă brê dờng neh geh g^t nđờ rơhiang nam là ờ gơtùi dờp ngan. Rơlao mờ hơ\ tai, Dak Lak là càr neh geh 24 nơm hìu măy pờ tơl^k ồs đèng dờng, dềt neh mờ gam lơh broă, broă lơh tai hìu măy pờ tơl^k ồs đèng Drang Phôk là ờ geh kuơ ngan: “Tàm jơnau yal bè bơta gơrềng bal tus mờ tiah kis, bè ờs ală cau tòm bơcri priă lơh kung bè ală mpồl pơlam sùm đơs là ai wơl dà tus dà dờng in mờ ờ lơh aniai lơi, mơya mùl màl den he neh go\ broă ai geh dà tàm dà dờng là ờ di pal. Den tàng, bol a` ờ kờ` ală broă lơh hìu măy lơi sơgràm tus mờ brê dà lơgar geh sền gàr tai. Tài tu\ do, ală chi che tàm brê hòn is mìng gam 2 tơlăk 200 rơbô lồ. Do là tiah geh uă ngan phan geh kuơ kung bè geh uă bơta sinh học uă pal geh broă bơcri priă sền gàr mờ tơnguh bơtàu niam broă do”.

Brê dà lơgar Yok Đôn geh khà ù tiah ơnàng 115 rơbô lồ, mờ 80 rơbô 900 lồ gơwèt tiah brê sền gàr nền nòn ngan, geh rơndăp tàm khà A tàm ală tiah brê sền gàr geh bơta kuơ dunia bè broă geh uă sinh học gam gơbàn aniai uă ngan, di lah hìu măy pờ tơl^k ồs đèng Drang Phôk geh lơh. Den tàng, càr Dak Lak bal mờ ală gah lơh broă geh gơnoar pal kơlôi sơnơng nền nòn lài mờ broă lơh ală broă jal mhar do.

         Cau cih mờ yal tơng^t Ndong Brawl