VOV4.K’ho - Tu\ do, trồ tiah tàm ală càr đah jum gam geh ală bơta gơbàn ni sơna, gah lơh sơnơm yal lài, làng bol pal rơcang mờ ală kòp bè tă nhơm. Tu\ do pah ngai hìu sơnơm Nhi đồng 2 [òn dờng Hồ Chí Minh neh dờp di pơgăp 160 nă kòn dềt tus piam kòp tài ală bơta kòp gơrềng tus gùng tă nhơm. Mờ tàm ală hìu sơnơm Đại học Y Dược [òn dờng Hồ Chí Minh, ală ngai satềp pa do neh dờp geh rơlao 500 nă cau tus piam kòp, geh uă ngan là cau kra gơbàn kòp tàm klờm soh. Trồ tiah mìu, tơngai ni sơna là bơta tòm lơh tơnguh ală kòp tàm gùng tă nhơm, jroă rơlao là kòp tàm rơnồng dờp, kòp tàm klờm soh, kòp gùng đơs ha là kòp hian…, tàm hơ\ uă ngan là cau kra, kơnòm dềt, cau geh uă kòp. Den tàng, tơl nă cau pal kah sền gàr kloh niam să jan, tơmù broă `ô ơlăk, bièr, ba` chu jrào, sào sa tơl phan bơkah kờ` sơndră mờ kòp să jan in.

Jat jơnau yal bơh Trung tâm lơh sơnơm rơcang gàr lài kòp [òn dờng Đà Nẵng dê, 1 nhai do, [òn dờng sền go\ rơlau 100 nă cau bơ tờp kòp thuỷ đậu. Kòp gơbàn tàm tơngai satềp den tàng uă cau ala tài jun kòp tus ală hìu sơnơm nàng geh kham mờ sơm kòp, den lòt jòi wơl tus ală cơldu\ kham kòp is ha là sơm is kòp tàm hìu. Broă sền gàr mờ sơm kòp ờ di pal [uơn ngan lơh gơlik ală bơta aniai ờ niam bè sồt mồr tềng bơdìh să, sồt mồr mhàm, gơlam tus as sồt klờm soh, as sồt tơngoh, as sồt ntìng kồ…mờ di gơlan lơh gơ tờp kòp tàm [òn lơgar kung geh uă rơlau.

Cau cih mờ yal tơng^t Ndong Brawl – Lơmu K’ Yến