Jat jơnau cih tàm bơta 13 adat ù tiah nam 2013 den dà lơgar geh ală gơnuar bè tơ nơ\ do tàm broă atbồ mờ ngui ù:

Geh kơrnuat bè rơndap broă ngui ù;

Geh kơrnuat bè jơnau kờ` ngui ù;

Geh kơrnuat bè khà ngui ù, tơngai ngui ù;

Geh kơrnuat toh wơl ù, ngui ù;

Geh kơrnuat bè khà priă ù;

Geh kơrnuat jàu gơnoar ngui ù ai cau ngui ù in;

Geh kơrnuat broă lơh priă jền bè ù tiah;

Geh kơrnuat bè gơnoar mờ kơ nòl bơh cau ngui ù dê.

Bơta 15 adat ù tiah nam 2013 cih bè khà ngui ù mờ tơngai ngui ù bè tơ nơ\ do:

Dà lơgar cih bè khà ngui ù, tàm hơ\ geh khà jàu ù lơh sa suơn sre, khà jàu ù ơm, khà dờp gơnoar ngui ù ơm, mờ khà dờp jàu gơnoar ngui ù lơh sa suơn sre;

Dà lơgar cih bè tơngai ngui ù mờ ală broă lơh tơ nơ\ do: hơ\ là ngui ù kơ\ kơljap jo\ jòng mờ ngui ù geh tu\ tơngai pơr gon lài.

Bè broă toh wơl ù, ngui ù bơta 16 adat ù tiah nam 2013 cih:

Dà lơgar geh kơrnuat toh wơl ù tu\: Tài jơnau kờ` sền gàr ngap lơngai, sền gàr dà lơgar, bơtàu tơnguh lơh sa mpồl bơtiàn tài bơta kuơ dà lơgar; ai wơl ù tài lơh tìs bè adat ù tiah; ai wơl ù tài broă ngui ù jat adat boh lam, jàu wơl is ù, geh jơnau pơhìn tus màng kis kòn bơnus.

Dà lơgar geh kơrnuat ngui ù tu\ kuơ màng, jal mhar nàng mut lơh kơ nòl sền gàr dà lơgar, sền gàr ngap lơngai, halà tàm bơta tam lơh, bơta jal mhar, rơcang sơndră trồ tiah lơh aniai.

Jat jơnau cih tàm bơta 22, dà lơgar atbồ ù tiah tàm ală tơngume tơ nơ\ do:

Tơlik sră nggal adat boh lam bè atbồ, ngui ù tiah mờ lam lơh jat sră nggal hơ\.

Dờp git nhàr ù tiah, lơh sră cih ù tiah, lơh sră wac sềr ù tiah.

Lòt sền, đo was, lơh sră wac sềr ù tiah, sră wac sềr bơta ngui ù mờ sră wac sềr rơndap broă ngui ù, lùp sền, đơs bè bơta ù, lùp khàu bơt bơtàu khà priă ù.

Atbồ rơndap broă ngui ù;

Atbồ broă jàu ù, ai ơpah ù, ai wơl ù, tam gơl jơnau kờ` ngui ù;

Atbồ broă tơm wơl, dong kờl, rơndap bòn ơm kis tu\ ai wơl ù;

Cih mat ù tiah, lơh mờ atbồ sră nggal ù tiah, lơh sră ngui ù, sră gơnoar ngui hìu ơm mờ phan bơna gơ jat bal mờ ù.

Kờp tơr gùm ù tiah.

Bơt bơtàu ròt jơnau yal tơngit ù tiah;

Atbồ priă jền bè ù tiah mờ khà priă ù;

Atbồ, sền gròi broă mut lơh gơnoar mờ kơ nòl cau ngui ù dê;

Lùp sền, sền gròi, sền mờ đơs broă lơh jat adat boh lam bè ù tiah mờ lơh glài broă lơh tìs bè ù tiah;

Bơto bơtê, mblàng yal adat boh lam bè ù tiah;

Bơ song tam pìt tam phà bè ù tiah, bơ song yal yă, yal khài tàm atbồ mờ ngui ù tiah;

Atbồ broă drơng ala bè ù tiah.

                                                            Cau mblàng K’ Duẩn.