Geh 40 rnăk ach o, êp ach o rnoi Xơ đăng tâm 2 xã Đăk Na ndrel Văn Xuôi, nkuăl Tu Mơ Rông, n’gor Kon Tum geh pă ân dơm 3.320 tơm sâm Ngọc Linh ntil gay ma hăn hun hao văng sa rnăk vâl. Nau kơl an dơm 3.320 tơm sâm ntil Ngọc Linh kơl an 40 rnăk ach o, êp ach o rnoi Xơ đăng tâm 2 xã Đăk Na ndrel Văn Xuôi geh UBND nkuăl Tu Mơ Rông ƀư tâm lơ 11/2/2025.

Wa Võ Trung Mạnh, Kruanh UBND nkuăl Tu Mơ Rông mbơh, nau sŏk pă tơm sâm Ngọc Linh ntil ƀư ntơm Bôk nau kan neh dak kơl n’huch ach o, kơl an tăm tĭng rnoh geh ndrel rnoh khlay bơi tât du rmen. Dĭng lĕ rnoi kon ntil sâm Ngọc Linh kơl an geh yơng ntil du năm, đăp mpăn mô geh bu tuh ndrel dôl rêh, hao jêng ueh. Jêh ndơn kon ntil sâm, 35 rnăk tâm xã Đă Na ndrel 5 rnăk tâm xã Văn Xuôi geh cán bộ ntĭm nti nau tăm, mât chăm tâm nâm neh bri krŏng tâm yôk Ngọc Linh./.