Tĭng nau mbơh mpeh nau ndâk ăp đảng bộ tâm Đảng uỷ Quốc hội geh 11 đảng bộ ƀư kan, geh: Đảng bộ Kiểm toán Ngih dak; Đảng bộ Văn phòng Quốc hội; Đảng bộ Hội đồng Dân tộc; Đảng bộ Uỷ ban Pháp luật ndrel Tư pháp; Đảng bộ Uỷ ban văng sa ndrel tơm prăk; Đảng bộ Uỷ ban neh dak, rnă njrăng ndrel tâm nchră ma dak ba dih; Đảng bộ Uỷ ban nau kan ntoh măt; Đảng bộ Uỷ ban Dân nguyện ndrel mêt uănh; Đảng bộ ăp ntŭk kan kơl mbơh nchră, kơl an Đảng uỷ Quốc hội.

            Ntoh nau tâm nar rƀŭn, Kruanh Quốc hội Trần Thanh Mẫn đă ăp Đảng bộ ndal ƀư nau kan tĭng nau mhe, ntŭk kan mhe, tâm nê ân đăp mpăn ndơn nau kan, nau geh dơi bah nau kan ntŭk kan Đảng, Đảng bộ bah năp nơh, mô ân geh nkol, ƀah, nchlơi dơm nau kan, n’hao nau nâp, nau tam bah ăp nau kan. Ăp ntŭk kan tâm boh rjăp, gĭt nau jêr, nkol geh nau rklaih tam; mbơh ăp gưl geh nau dơi uănh, ntrŭnh ndal.

            Kruanh Quốc hội nkah, ân ndal ƀư rjăp ntŭk kan tâm trôm, ndâk ăp chi bộ lor, ndâk nau pah kan, pă nau kan ân ăp nŭih tâm đảng tâm gưl uỷ ndrel nau tâm boh kan ma ăp ntŭk kan geh tât gay nau kan bah ăp đảng bộ đăp mpăn, tam. Ân ƀa ƀơ ƀư ueh nau kan chính trị, nau mĭn, mêt uănh, kơl ăp ntŭk kan bah chi bộ, đảng bộ, đăp mpăn pah kan rjăp, nâp, n’hêl.

            Kruanh Quốc hội nkah, ân geh uănh rjăp tât nau kan rƀŭn chi bộ, ăp đảng viên; nau dơi, nau kơl đah ăp nau kan cán bộ geh tât, khuch; pă cán bộ ân tâm ban, ƀư nâp tâm nuih n’hâm “ntơm nau kan joi săch nŭih”; săch nŭih blau, geh nau dơi, geh nuih n’hâm “nkre ueh nkre blau”.

            Mhe rlau, Bộ Chính trị ntrŭnh nau mrô 126, tâm nê geh ăp nkô̆ nau geh tât rmôt kan Quốc hội, Kruanh Quốc hội Trần Thanh Mẫn đă, Đảng uỷ Quốc hội ơm mĭn gay rnôk Trung ương ntrŭnh nkô̆ n’hêl, mô geh ndrât:

            ‘Rgâl, ntop ăp nau ntrŭnh bah Đảng, pháp luật bah Ngih dak, nau kan, nau ntrŭnh geh tât gay geh nau dơi pháp lý ntrŭnh ƀư ân jêh nau kan rgum bah ntrong kan chính trị. Kơt Tổng Bí thư Tô Lâm mbơh lah rnôk tât khlay ngăn gay ma nchrăp ân Đại hội Đảng ăp gưl, rƀŏng tât đại hội lam dak bah Đảng; lŏ dăp rgum gưl kan tâm nglang, ndâk nau kan ân lŏ dăp rgum gưl xã ân tâm di ma nau kan mhe; rƀŏng trong rnglăp du đê̆ ntŭk ka hành chính gưl n’gor; rgâl nkra, ntop tay ăp nau ntrŭnh pháp luật, ntrŭnh nau bah Đảng geh tât nkô̆ nau mpeh dăp rgum ntrong kan “n’ăp ma săm ƀŭt khlay kơt lah geh dơi rgâl Hiến pháp”, Luật săch kan...tâm rơh tât”.

            Kruanh Quốc hội Trần Thanh Mẫn ŭch, gưl uỷ Đảng bah ăp Đảng bộ geh ndâk nar aơ ân geh ƀư dơi nau rđau kan ăp ntil, săk tam tâm nau ƀư ăp nau kan chính trị bah Hội đồng, ăp uỷ ban, ăp ntŭk kan bah Quốc hội; đăp mpăn ăp nkô̆ nau kan ân geh ăp gưl uỷ uănh, rgop nau lor ma ntrŭnh, tâm nê ƀư rjăp ăp ntŭk, tŏng dơi geh nau ŭch dôl geh, n’hao nau tam nau mêt uănh ndrel nchră mbơh, ntrŭt dăng nau kan mbơh, djăt rgum nau mbơh bah ntoh măt Quốc hội ndrel ƀon lan; n’hao nau nâp nau ntrŭnh geh tât nau kan khlay bah neh dak tŏng ntrong nar lơn ma tâm di, năn; mĭn ƀư, ndâk nau kan tâm di kơl an ntrơn rgâl mrô, ntrơn rgâl ndrih, dŏng nau kan prêh, ntrŭt dăng nau ndâk nau kan, rgâl blau mhe...

            Đah nuih n’hâm “nkre nchuăt nkre dăp ntrong” ân geh nâp, njrăng ueh ndrel ngăch; nchrăp yơn mô dơi ƀư thơ tha, Kruanh Quốc hội ŭch ndrel rnơm lah mra tâm rgop ngăn, ƀư ueh nuih n’hâm tâm rnglăp, ƀon lan ƀư tơm, nau kan prêh, rgâl mhe, blau nau mhe gay nsôih ƀư jêh nau kan, rgop tâm ăp nkô̆ nau nsum bah neh dak./.