Đah nău lăp kan ndrel têh dăng bâh lĕ trong kan chính trị n’hanh nsum soan bâh ntŭk rêh jêng, n’gor Lâm Đồng lĕ geh ƀư jut jăng ngih rông mpông sat an rlău 1 rbăn ngih jay truh sat ta ntŭk. tâm ban dah đah rlău 50% nău nchrăp. Ăp nar bôk năm 2025, rnăk vâl yuh K’Uyên rnoi K’Ho ta thôn 3, xã Đinh Trang Thượng, nkuăl Di Linh, n’gor Lâm Đồng dŭt rhơn rnôk geh ntrơn gŭ ta jay mhe ƀư nâp ueh, ndơn an ngih truh sat ơm. Tâm ba  năp nơh, rlău 1 rbăn rnăk ach o, rnăk dăch ach o geh ngih truh sat, ngih rông mpông sat bâh n’gor Lâm Đồng lĕ geh kơl prăk ƀư mhe n’hanh nkra mhe, tâm nĕ geh 860 ngih lĕ geh ƀư mhe n’hanh 178 ngih jay nkra mhe, đah lĕ rnoh prăk ƀư rlău 47 rmen prăk. Rnoh prăk aơ geh sok bâh rnoh prăk tâm rgop bâh nuĭh ach o yor Ủy ban MTTQ Việt Nam n’gor Lâm Đồng geh dơn yor ăp ntŭk kan, nuĭh kan, n’gâng kan, doanh nghiệp tâm n’gor tâm rgop.

Ban rđău đă jut jăng nhih jay truh sat, nkưp nde n’gor Gia Lai n’gluh rnoh tât ƀư lôch jêh 8.485 nhih jay truh sat, nkưp nde tâm 6 khay bôk năm 2025. Lam n’gor Gia Lai geh 8.485 rnăk ân ntop kơl mpeh jay gŭ, tâm nê ƀư mon mhe 6.828 mblâm n’hanh nkra 1.657 mblâm đah lĕ rngôch prăk dŏng ƀư nchrăp 460 rmen prăk. Tâm nê, tơm prăk bah Trung ương ntop kơl 241 rmen prăk. Aƀaơ ăp n’gor ta Gia Lai dôl rgum an ntop kơl lor nuĭh geh n’hâm suan n’hanh rnăk ach o, nkre rgum tay tơm ndơ bah nsum mpôl n’hanh  tahen gay đăp mpăn rnoh tât ntop kơl ƀư jay. Wa Hồ Văn Niên, Bí thư Tỉnh ủy Gia Lai đă ăp n’gor ntrŏng năl kloh tĭng gâl kan, mông nar na nê̆ gay tĭng ƀư lôch jêh di rnoh ngăch nău jut jăng nhih jay truh sat, nkưp nde, mpơl nău nsrôih chính trị bah n’gor tâm nău kơl nuĭh ƀon lan rgâl geh nău rêh.