Lơ 1/3 tât, ăp nkuăl tâm n’gor Dak Lak mra ntơm ndâk 4.285 ngih tĭng Bôk nau kan mrô 214 mpeh nau jut ngih truh sat, UBND n’gor Dak Lak jao ân Công an n’gor ƀư tơm, tâm rgop ma N’gâng kan ndâk nkra, n’gâng kan tơm prăk, ăp nkuăl ndrel ăp rmôt kan geh tât rđau nau ndâk 4.285 ngih gay ma pă ân ăp rnăk ach o, êp ach o tâm n’gor năm 2025.

Tâm rnoh aơ, geh rlau 1.600 rnăk rnoi mpôl đê̆ tâm ntŭk. Rnoh prăk ƀư ngih lah 342,8 rmen. Rnoh kơl an ngih ndâk mhe lah 80 rkeh. Ăp nkuăl, ntŭk kan tâm Dak Lak lŏ nsôih nkoch trêng, bonh đă tâm rgop kơl an, ntop tay prăk, ndơ dŏng, nar kan gay ndâk ngih nâp lơn ndrel đăp mpăn tâm di nau ngăch, kơl an ăp rnăk jêr ơm geh đăp mpăn nau rêh./.