UBND n’gor Dak Lak mhe ntrŭnh bôk nau kan jut ngih truh sat ân rnăk ach o, êp ach o tâm n’gor năm 2025, đah nkô̆ ndâk 4.285 ngih mhe ndrel nkra nâp 1.120 ngih kơl an ăp rnăk geh nau rêh jêr jŏt ach o. Tĭng nau kơp, n’gor Dak Lak rnôk aơ geh 34.434 rnăk ach o ndrel 27.651 rnăk êp ach o. Tâm rnoh nê, bơi tât 5.400 rnăk ach o ndrel êp ach o hôm rêh tâm ngih truh sat. Tĭng bôk nau kan, n’gor Dak Lak mra kơl an ăp ngih aơ ndâk đah rnoh dĭng lĕ hao tât 342,8 rmen.

Tâm nê, 257 rmen mra geh pă tă bah Bôk nau kan kơl an jut ngih truh sat bah Trung ương ndrel 85,7 rmen prăk tă bah tơm prăk n’gor. Rơh ƀư nau kan ntơm rnôk aơ tât lôch khay 10 năm 2025, đah nkô̆ nau ndâk ndrel jao ngih ân rnăk ach o tâm di nar, ngăn lah tâm rnôk Đại hội Đảng bộ ăp gưl. Nau ƀư Bôk nau kan mra geh nchră nâp, đăp mpăn kloh rvah, ndrel mô ân geh nau mpŭng lir, nau tât mô ueh./.