Lơ 21/2, nsing tâm nau ntrŭnh mrô 68/NQ-UBTVQH15 lơ 14/2/2025 bah Uỷ ban Rnâng kan Quốc hội, Chính phủ dak Cộng hoà xã hội chủ nghĩa Việt Nam hŏ ntoh nau ton lah mpeh ntrong gay ma dŏng gay kơp rnoh hvi nkuăl dak lêng Việt Nam tâm Vịnh Bắc Bộ. Nau ƀư năl trong Vịnh Bắc Bộ lah gay ƀư nau dơi ndrel nau kan bah Việt Nam tĭng ăp nau ntrŭnh bah nau ton bah Liên hợp quốc mpeh Luật dak lêng năm 1982 (UNCLOS) ndrel tâm di ma Luật dak lêng Việt Nam năm 2012. Trong gay ma dŏng gay veh rnoh hvi bah nkuăl dak lêng Việt Nam tâm Vịnh Bắc Bộ geh năl tâm nau ăp nau ntrŭnh bah UNCLOS, tâm di ma nau geh ntŭk ndrel nau ơm bah Vịnh Bắc Bộ ndrel mô geh nau khuch tât ăp nau ton lah bah lam ntur neh ma Việt Nam râng mô lah ƀư dak kan nsum.

Ntrong gay gay dŏng veh rnoh hvi nkuăl dak lêng Việt Nam tâm Vịnh Bắc Bộ gay ma kơp ntŭk n’har ndrel ntŭk ăp nkuăl dak lêng bah Việt Nam tĭng ăp nau ntrŭnh bah UNCLOS ndrel nau ton năl pă Vịnh Bắc Bộ đah Việt Nam ndrel Trung Quốc ký ton tâm năm 2000, njêng nau dơi gay mât ndrel ƀư nau tơm, nkuăl neh, nau dơi tâm nchră mbơh bah Việt Nam, kơl an nau hun hao văng sa, mât dak lêng ndrel tâm boh đah lam ntur neh./.