Lŏ tâm bôk rơh rƀŭn ndal tal 9, ôi aơ 18/2, Quốc hội lŏ rƀŭn nchră Luật ƀư kan Chính phủ (rgâl nkra). Tâm nar aơ, Quốc hội kŏ rƀŭn êng mpen nau kan geh tât nŭih pah kan. Tâm rơh rƀŭn ndal tal 9, ăp ntoh măt rnê prêh mpeh nau nchrăp, ntrŭnh, nsôih bah Đảng, Quốc hội, Chính phủ ndrel nkuăl tâm nau dăp rgum trong kan, rtŭt gleh cán bộ. Tĭng ăp ntoh măt ân geh rgâl nau kan, nau mât, der nau njêng luh ăp “nŭih rmeh”. Ăp ntoh măt bah Quốc hội rnê prêh nau rgum dăp ntrong kan bah ăp ntŭk kan Đảng, Quốc hội, Chính phủ ndrel n’gor.

Gay rklaih ăp nau kan ntoh luh, Chính phủ hŏ năn ntrŭnh dơi nau ntrŭnh mrô 178 mpeh nau kan, nau kơl ma cán bộ, công chức, viên chức, nŭih pah kan ndrel rmôt kan tahen tâm nau dăp rgum ntỏng kan chính trị. Ma nau tât ngăn lah ntrong kan ân rtŭt gleh yơn kŏ ân geh pah kan săk tam, pah kan ueh lơn./.