MNONG.VOV.VN - Lôch 10 năm tĭng ƀư nău ntrŭnh mbrô 40-CT/TW 2014 bah Ban Bí thư mpeh nău n’hao dăng rđău kan bah Đảng đah tơm prăk nta manh, lĕ rngôch tơm prăk n’gluh an manh dja ta Gia Lai kơp tât lĕ khay 6/2024 hŏ geh rlău 7.200 rmen prăk. Bah nê, rlău 156.500 rnăk ach o, dăch kêng ach o n’hanh nuĭh dơi kơl hŏ dơi manh tơm prăk gay tuch tăm, nău rêh dơi n’hao kloh. Bah meng nê, tơm prăk nta dơh lah tơm ndơ khlay gay Gia Lai tĭng ƀư ăp trong nchrăp kan khlay ta thôn ƀon.

MNONG.VOV.VN - Cao Bằng lah n’gor mpeh yôk yang geh trong n’har bri jong, yôk nor hưt prêh đah nô nău luh  lăp mô geh nău way geh âk duh jêr. Bah meng nê, ta du đêt nkual nău rêh bah nuĭh ƀon lan hôm mâp âk jêr jŏt, nău gĭt blău hôm đêt... aơ lah ăp ntŭk dơh an ăp nuĭh tih djơh tăch rgâl nuĭh gŭ hăn. An ƀư trong nchrăp 8, Hội Liên hiệp bu ur n’gor Cao Bằng hŏ uănh khlay ƀư ăp trong leo nkoch trêng njrăng n’gang nău tih tăch rgâl nuĭh.

MNONG.VOV.VN - Mhe rlau aơ, Uỷ viên Bộ chính trị, Bí thư Trung ương Đảng, Kruanh ban nội chính Trung ương Phan Đình Trạc ndrel rmôt kan ntoh măt Quốc hội n’gor Lâm Đồng hŏ mâp cử tri tâm du đê̆ nkuăl bah n’gor. Cử tri hŏ mbơh, đă âk nau khlay, kơt nau tâm in pit neh ntu jŏ jong đah nŭih ƀon lan ndrel nông lâm trường, ntŭk kan, nau kơl an đah rmôt ƀư nau mât njrăng bri.

MNONG.VOV.VN - Nkuâl Tu Mơ Rông, n’gor Kon Tum geh rlău 58.000 héc bri, rnoh nkŭm n’hâm tât bơi 68%. 4 năm aơ, ndrel đah nău mât njrăng uĕh rnoh neh bri dôl geh aƀaơ, bah âk tơm ndơ n’hanh nău nsrôih râng bah nuĭh ƀon lan, nkuâl Tu Mơ Rông hŏ tăm mhe rlău 2.000 héc-ta bri n’hanh rlău 1,200 rkeh tơm si tăm chrai. Nkŭm  n’hâm tay neh ja yôk lưn dơi nkuâl ntrŏng lah bôk tơm khlay gay hun hao wăng sa bri, nta joi geh trong rêh jŏ jong an rmưn nuĭh ƀon lan rnoi Xơ Đăng, ơm âk tât 95% rnoh nuĭh bah nkuâl.

MNONG.VOV.VN - N’gor Kon Tum mhe n’glêh an tâm pă rlău 1.145 tấn phe, gay ntop kơl rlău 15.300 kon se nti geh dơn ndơ kơl tĭng Nghị định bah Chính phủ Quy định trong ntop kơl kon se nti n’hanh nhih nti phổ thông ta xã, thôn dŭt jêr jŏt mha êng.

VOV4.M'nông: Mhe rlau aơ, ta ngih rƀŭn Diên Hồng, Ngih kan Quốc hội hŏ geh ôp ndrel ơh nau ôp tâm rnôk rƀŭn rlong ƀư “Quốc hội kon se” tal II, năm 2024. Kruanh Quốc hội Trần Thanh Mẫn râng rƀŭn. Rlau 300 nŭih ntoh măt Quốc hội kon se tă bah 63 n’gor, nkuăl ƀon têh râng rƀŭn, ntoh nau ŭch bah ăp kon se đah 2 nau kan “Njrăng, rdâng nau tâm lơh tâm ngih săm ƀŭt” ndrel “Njrăng nau khuch bah su hât, chất kích thích, ngăn lah tâm ngih săm ƀŭt”.

VOV4.Mnông: Tă bah mô dơi nkra êng kŏ kol mpeh n’har bri, nuĭh ƀon lan đah xã Đăk Nên, nkuâl Kon Plông n’hanh xã Trà Vinh, nkuâl Nam Trà My, 2 n’gor Kon Tum n’hanh Quảng Nam hŏ mbơh, nkre dăn đă Chính phủ nkra nău kŏ kol. N’gul khay 9 mhe aơ, Bộ Nội vụ hŏ njêng mpôl hăn, tĭng ƀư hăn uănh năl na nê̆ ta nkual geh wăk kol n’har bri, ƀon lan đah xã Đăk Nên, nkuâl Kon Plông, n’gor Kon Tum n’hanh xã Trà Vinh, nkuâl Nam Trà My, n’gor Quảng Nam gay ntơm bah lôch jêh hăn uănh năl na nê̆ dja mbra nsŏng kơl Chính phủ nkra kŏ kol đah 2 n’gor.

VOV4.M'NÔNG - Ăp năm aơ, hŭch ach o jŏ jong lah ngoăy tâm ăp nău dơn kan khlay bah nkual ƀon têh Pleiku, n’gor Gia Lai.

VOV4.M'NÔNG - Ôi 30/9, ta Hà Nội, Văn phòng Kruanh dak kan nsum đah Bộ Công an n’hanh ăp nhih pah kan geh tât ƀư Họp báo mbơh nău n’glêh an luh ndrung ơm năm 2024 bah Kruanh dak.

VOV4.M'nông: Nchrăp ân rơh rƀŭn tal 8, Quốc hội gưl 15, Uỷ ban Xã hội bah Quốc hội mhe ƀư rƀŭn nchră nau ƀư nau nchrăp Hun hao văng sa, rêh jêng ndrel tơm prăk Ngih dak lvang năm 2024, nchrăp nau kan ndrel nau nchrăp tơm prăk Ngih dak năm 2025 tâm nau pah kan, nŭih geh n’hâm ndrel nau rêh.