VOV4.M'NÔNG- Đah nău nsrôih bah n’gor n’hanh nău ntop kơl bah ăp đơn vị, ăp nuĭh lŏng nuih n’hâm, nău jut jăng nhih jay truh sat, nkưp nde an ăp rnăk mâp jêr jŏt ta n’gor Lạng Sơn hŏ geh ăp nău dơi uĕh. Lvang năm 2024 -2025, n’gor hŏ rgum tơm prăk rlău 160 rmen prăk gay tĭng ƀư pah kan dja, kơl hang rbăn rnăk geh ntŭk gŭ mhe nâp uĕh, đăp mpăn.

VOV4.Mnông:  Di rơh Tết Nguyên đán Ất Tỵ 2025, n’gor Đăk Lăk sŏk an rlău 75 rmen prăk gay ma tât ôp khâl, pă ndơ mât kơl an nuĭh dơi kơl n’hanh nuĭh pah kan.

VOV4.M'nông: UBND n’gor Kon Tum hŏ ntrŭnh nau kơl an ăp rnăk ach o ndrel êp ach o sa tết năm mhe Ất Tỵ. Ăp rnăk tâm n’gor Kon Tum geh kơl an 600 rbăn ndrel du rnăk êp ach o geh kơl an 300 rbăn gay sa tết năm mhe Ất Tỵ.

VOV4.M'nông: Công đoàn n’gâng kan ntĭm nti Dak Lak mhe ƀư bôk nau kan “Tết rhơn năm mhe-rhơn Đảng”, pă nklâm ndơ ân ăp nŭih nai ntĭm nti kon se ndrel nŭih pah kan tâm ntŭk kan ntĭm nti geh nau rêh jêr jŏt gay năn mât chăm, kơl an công đoàn viên ntŭk kan ntĭm nti tâm rơh Tết năm mhe Ất Tỵ.

VOV4.M’nông – Kêng măng 12/1, ta xă Hòa Thắng, nkual ƀon têh Buôn Ma Thuột, Hội chữ Thập đỏ n’gor Dak Lak tâm rgop đah ntŭk kan ntop kơl ƀư an ndơ rơh Tết Nguyên đán Ất Tỵ n’hanh mbơh ntĭm, ntop kơl mât uănh săk soan sêk mbung an nuĭh ach o.

VOV4.M'nông: Đah nau ƀư tơm bah Kruanh Quốc hội Trần Thanh Mẫn, Uỷ ban Rnâng kan Quốc hội mhe ntơm rƀŭn tal 41. Tâm rnôk rƀŭn aơ, Uỷ ban Rnâng kan Quốc hội rgop tâm âk nkô̆ nau khlay. Tâm nê, khlay ngăn lah nau nchrăp rơh rƀŭn ndal tal 9, Quốc hội gưl 15.

VOV4.Mnông: Mpŏng tât vơt rhơn 95 năm nar Njêng Đảng Cộng sản Việt Nam (03/2/1930 - 03/02/2025),ôi lơ 10/1, Hội Liên hiệp bu ur n’gor Đăk Lăk ƀư rơh tâm mâp măt, tâm nđur Bu ur Đảng viên ntoh lư đah bôk nău kan : “Bu ur Đăk Lăk geh nău knơm têh đah Đảng”.

VOV4.M'NÔNG- 5 n’gor, Sơn La, Lai Châu, Điện Biên, Yên Bái n’hanh Lào Cai bah Tây Bắc dơi gĭt tât lah nkual rgum ach o bah lam dak. Ta âk n’gor, rnoh âk  rnăk ji ngot ach o nha hôm âk, âk rlău 20% rnoh nuĭh lam n’gor. Gay rdâk tay nău mĭn, nău nđơr, njêng suan ntrôl nuĭh ƀon lan klaih rlău ach o, nsing nơm chuat jâng lăp tâm rơh hun hao mhe bah neh dak, ăp năm mhe aơ, ăp n’gor tâm nkual Tây Bắc hŏ an ƀư âk trong nkra ngăn ngăn, geh nău dơi  tam.

VOV4.M'nông: Bôk nau kan “Năm mhe nkuăl n’har bri duh răm nuih n’hâm ƀon lan” mhe geh tahen Biên phòng ƀư tâm 2 nkuăl n’har bri bah 2 n’gor Gia Lai ndrel Dak Lak. Nau kan aơ mô knŭng lah drăp ndơ, kơl an ƀon lan sa tết ueh lơn, ma hôm lah nau tâm rgop tahen, ƀon lan, ƀư rjăp nau tâm boh rmôt tahen Biên phòng ndrel ƀon lan ăp rnoi, njêng nau nâp ân nkuăl neh đăp mpăn, hơm răm.

VOV4.M'NÔNG- Mpôl pah kan bah Bộ Công an mhe ƀư but săm ji, phăt dơm dak si n’hanh kơl ndơ Tết an nuĭh ƀon  lan ta bar xã Ea Tiêu n’hanh Ea K’tur, nkuâl Cư Kuin, n’gor Dak Lak.