VOV.M'nông:Pơh rlau aơ, đah nau ƀư tơm bah Kruanh Quốc hội Trần Thanh Mẫn, Quốc hội tâm nchră tât nau mbơh lôch năm kan bah Quốc hội gưl XV ndrel năm kan 2021-2026 bah Chính phủ. Tâm rnôk âk nau rgâl, ăp ntoh măt rnê lĕ bar năm kan geh âk nau dơi nchrăp lor, ngăch, ƀư kan prêh, ndrel đă âk nau rƀŏng gay ƀư jêh nau kan, n’hao nau mêt uănh ndrel ntrŭt dăng hun hao nâp nâl tâm rơh tât.

VOV.Mnông: Ôi lơ 4/12, ta thôn Chung Tam, UBND xã Măng Ri, n’gor Quảng Ngãi ƀư rơh rgŏ jă vơt tĭng “Ntrong kan Quang Trung- ngăch ndăn ƀư ngih mhe, đăp mpăn nău rêh an ƀon lan xã Măng Ri”.

VOV.M'nông- Tổng Bí thư Tô Lâm lah rjăp nău mât chăm an nuĭh quet nte mô dơn geh nkô̆ hôr khlay rŏng nuĭh ma lah mâng weh nău luh rsang rnglay nău gĭt blău, lah ndơ ntrôl hun hao jŏ jong n’hanh lăp rgum dak bah dih.

VOV.Mnông: Nar aơ lơ 1/12, ntơm ƀư nău kan “Ntrong kan ngăch ndăn rdâk ƀư, nkra mhe ngih jay an ƀon lan geh dak buk” mbra geh ƀư tâm ndrĭh ta n’gor Đăk Lăk ntŭk mhe geh âk nău tât khuch mpeh nuĭh n’hanh drăp ndơ ta rơh dak buk mhe nơh.

VOV.M'nông: Dak si ndrel ma văn hoá, ntĭm nti lah ăp n’gâng tơm khlay, mô êng lah nkô̆ ma hôm lah nau gay nsôih hun hao tu tơm. Nê lah nau mbơh đă bah Tổng Bí thư Tô Lâm rnôk Quốc hội tâm nchră ta rmôt mpeh 2 nau bôk nau kan neh dak mpeh n’hâm soan, rnoh nŭih ndrel hun hao ndrel bôk nau kan ƀư ueh mhe, n’hao nâp ntĭm nti lvang năm 2026-2035. Tĭng Tổng bí thư, nkô̆ nau neh dak mô di lah êng n’gâng kan ntĭm nti mô lah dak si, ma lah lam nau rêh, ƀon lan lăp ndrel; ân geh tâm ban nkô̆, der tâm ntrŭp, yor dăch dŭt ân ƀon lan geh dŏng lĕ ngăn.

VOV.M’nông - 200 nklâm ndơ, du nklâm 10kg phe, dơi njuăl tât 200 rnăk ƀon lan ta 2 xă Hòa Thịnh n’hanh Đông Hòa-ăp rnăk geh khuch khat hô ngăn.

VOV.M'nông: Tât rnôk aơ, dak lip tâm Dak Lak, Gia Lai hŏ rhuăt. Dak lip tât moh ntŭk, ăp rmôt kan tahen tâm n’gor, Quân khu 5, Quân đoàn 34 ngăch kơl an ƀon lan rklaih nau khuch, ndâk tay nau kan tuch tăm ndrel ndâk tay nau rêh jêh buk dak lip.

VOV.M'nông- Kruanh UBND n’gor Lâm Đồng mhe ký n’glêh an kơp dơn 95 xã, phường mpeh yôk yang ta n’gor.

VOV.M’nông - UBND xă Phan Sơn, Lâm Đồng (ta nkuăl Bắc Bình, Bình Thuận ơm) ƀư rdâk nkra 4 mlâm jay an ƀon lan rnoi mpôl đêt jêr jŏt.

VOV.M'nông: Ƀư tĭng nau kuăl jă bah Rmôt Kruanh Uỷ ban Trung ương MTTQ Việt Nam, kêng măng 25/11, wa Trần Thanh Lâm, Groi Kruanh Ban Tuyên giáo ndrel Dân vận Trung ương, hŏ pă 450 rkeh prăk bah rmôt cán bộ, đảng viên, nŭih pah kan bah Rnâng kan Tuyên giáo ndrel Dân vận Trung ương kơl an kônh wa geh nau khuch bah nkuăl dak lip băm.