VOV.M'nông- Thủ tướng dăn đă ăp n’gâng kan, ăp n’gor, lơn lah Bộ Công an ntik n’hao tay nău way ơm “nkah gĭt sĭt n’glĭng”, mât chăm rnăk wâl nuĭh dơi kơl, nuĭh geh n’hâm suan, lơn lah cán bộ công an tă hăn kơl an miền Nam.

VOV.M'nông: Uỷ ban Rnâng kan Quốc hội hŏ tâm ban nau mbơh Quốc hội uănh, nkra ƀư ăp ntil Luật ƀư nau kan têm nkrem, rdâng mpŭng lir tâm rơh rƀŭn tal 10 dăch tât ting nau ƀư kan rtŭt gleh. Nkô̆ nau lah pơk trong kan chính trị pháp lý ăp ntil, nâp, gay têm nkrem ndrel rdâng mpŭng lir jêng ntrong rêh, nau dơi bah ăp nŭih ân geh têm nkrem njêng nau hun hao.

VOV.M'nông: N’gor Dak Lak mhe ƀư jêh bôk nau kan jut ngih truh sat, kơl an ăp rnăk mâp nau jêr tât ngih gŭ. Lam n’gor geh 8.915 rnăk geh gŭ tâm ngih nâp ueh, geh 6.828 ngih mhe ndrel 2.087 ngih geh nkra.

VOV.M'nông: Jêh du khay n’gul lăp kan, âk xã tâm n’gor Lâm Đồng hôm nau pă cán bộ “tih nau kan”-‘ntŭk rmeh, ntŭk mô tŏng” cán bộ ƀư kan. Nau aơ ƀư nau kan bah n’gâng kan tâm dâng ê geh nau dơi kơt nau ŭch. Ndơn saơ nau aơ, n’gor Lâm Đồng dôl ƀư âk nau kan cán bộ gay đăp mpăn n’gâng kan ăp xã.

VOV.M’nông - Nthoi tay rơh rƀŭn 48, kêng măng (12/8), Ủy ban Thường vụ Quốc hội an rgop nău djăt rblang Dự thảo Luật Nău ƀư groi nđôi bah Quốc hội n’hanh HĐND nkra rgâl.

VOV.M’nông - Ôi 12/8, Đảng bộ ăp ngih pah kan Đảng n’gor Gia Lai ƀư Đại hội đại biểu rơh bôk năp, năm kan 2025-2030, mĭn lah nău tơm khlay kruanh trong chính trị, pơk luh trong hăn mhe ndâk njêng Đảng bộ kloh uĕh, nâp dăng.

VOV.M'nông: Tâm ngih kan Quốc hội, Uỷ ban Rnâng kan Quốc hội ƀư tâm nchră bah Quốc hội mpeh nau uănh nkô̆ “Mêt uănh bah Quốc hội gay hun hao”. Ntoh nau tâm rnôk tâm nchră, Kruanh Quốc hội Trần Thanh Mẫn lah rjăp, Uỷ ban Rnâng kan Quốc hội ân uănh ƀa ƀơ, kơp n’ăp ma ndak gay saơ ăp nau kan tât, năn doh rklaih.

VOV.M'nông- Hơi kônh wa djăt radio! Tâm rnôk n’gâng kan tâm dâng bar gưl dơi an dŏng ta n’gor Dak Lak, nău ntop kơl nuĭh ƀon lan tât n’hanh dŏng hăr blău ăp jâng nsing mbrô jêng nău khlay mha êng.   Hăn ndrel đah n’gâng kan, mpôl đoàn viên, mom ndăm ta n’gor lĕ n’hanh dôl n’hao nău hăn lor, hăn bôk năp tâm nău kan rgâl mhe rnoh mbrô, ntop rhoăt gleh nău kan công nghệ, ngăn lah ta nkual njônh ngai, nkual ƀon lan rnoi đê̆ ta Dak Lăk.

VOV.Mnông:Ntrong kan “Pah kan yor ntuk rêh jêng” tal 31 lĕ geh săch xã Kon Chiêng, ngoăy tâm âk nkual dŭt jêr bâh n’gor Gia Lai lah ntŭk tât. Geh ƀư tâm 2 nar, bôk nău kan lĕ nsĭt tât nău tâm kơl bâh ăp mpeh mper neh dak tât đah ƀon lan rnoi đê̆ ta aơ.

VOV.Mnông: Uănh khlăy doh rklaih nău kan bâh ntŭk kan ba dâng, mô an geh njêng ăp nău jêr geh tât nău chroh, phung chroh.