VOV.M'nông: Năm mhe dôl tât tâm nkuăl neh n’har bri. Tâm rnôk sial chiăt boh bah dak lêng, nau rêh bôk năm mhe ntơm đah ăp nhoat jêng mêt uănh nâp nâl bah tahen Biên phòng. Rnôk neh trôk ntrơn săk tât năm mhe, khân păng hôm tâm bôk trong rlong sial, ƀư nau kan mât nau tơm bah dak lêng-gôl dak, rnă njrăng bah neh dak.

VOV.M'nông- Nkual “chrŏ dak bŭk” mpeh luh nar n’gor Dak Lak dôl tĭng kơn dâk hao tay kloh rnôk pah kan plơ̆ njêng tay lôch bah dak bŭk an ƀư ăp kôp, geh nău tam; ăp mblâm jay mhe têh uĕh mhe, nău rêh nuĭh ƀon lan đăp mpăn, nsing nơm n’hanh nuih n’hâm rdâk njêng nău rêh let năp tay rlay kah dăng. Rup cờ gŭr mănh êr lhêt lhơt mpăr ta ăp chor jay mhe mon njêng nuih n’hâm rhơn nđơr, wơt năm mhe Bính Ngọ 2026.

VOV.M'nông- Ntŭk rgum ntop kơl lam rêh jêng kon nuĭh n’gor Dak Lak, Sở Y tế Dak Lak kan nsum đah ăp nuĭh tơm kơl ƀư bôk nău kan Gala “Năm mhe dêh rŏng – Tết njôm wăr”, kơl an n’hanh ndơ̆ lì xì Tết ta Ntŭk rgum kơl lam rêh jêng kon nuĭh n’gor n’hanh kon se geh nău rêh jêr jŏt tâm nsum mpôl. 

VOV.M’nông - Ndrel đah ăp trong ntop kơl geh nău tam bah Đảng n’hanh Ngih dak, ăp nklâm ndơ tâm rŏng bah mpôl tahen n’hanh nuĭh lŏng nuih n’hâm hŏ kơl hang rbăn rnăk ntŭk n’har bri n’gor Lâm Đồng wơt du nar Tết răm mƀak, ăp tŏng. Nău mât uănh khlay bah tahen, n’gâng kan ăp gưl n’hanh ăp tơm ndơ hŏ kơl ăp ƀon lan n’har bri răm mƀak tay, rdâk njêng nâp ntŭk nsing nuih n’hâm ƀon lan ntŭk n’har bri neh dak.

VOV.M'nông: Tâm ntŭk nkah ơm yau neh dak Hoà Thịnh, n’gor Dak Lak, ăp rmôt kan tahen ƀư Bôk nau kan “Năm mhe Quân khu 5 tâm rnglăp-Tết tâm boh tahen ƀon lan”, nau kan khlay leo Tết ueh tât ma ƀon lan nkuăl geh nau khuch khat jâk yor rơh mih dak lip dŭt năm 2025.

VOV.M'nông- Nkhêp geh rnôk Tết Nguyên đán Bính Ngọ 2026, nar 4/2, Groi kruanh Rnâng kan Hội đồng Dân tộc bah Quốc hội Hoàng Duy Chinh hŏ khâl, mbah rhơn Tết n’hanh ndơ̆ kơl nklâm ndơ an 200 rnăk ach o lah ƀon lan rnoi mpôl đê̆ xã n’har bri Ia Rvê, n’gor Dak Lak.

VOV.M'nông- Ôi (4/2), ta Jay Văn hóa Lao động n’gor – nhih pah akn mpeh nhâp nar, mpeh phường Tân An, Liên đoàn Lao động n’gor Dak Lak ƀư Bôk nău kan “Tết njôm wăr – Năm mhe nkah gĭt Đảng” năm 2026, mât chăm Tết an đoàn viên, nuĭh kan geh nău rêh jêr jŏt ta nkual mpeh nhâp nar bah n’gor.

VOV.Mnông:  Binh đoàn 15 mhe geh ƀư bôk nău kan “Năm mhe n’har bri tâm rnglăp ueh tahen ƀon lan” ta xã Ia Krái, n’gor Gia Lai, đah âk nău kan ntoh n’gôr, geh nău ueh răm tâm năm mhe tât ƀon lan Jarai ta n’har bri mpeh nhâp nar bâh n’gor.

VOV.Mnông: Nar naơ 29/1, ta Buôn Ma Thuột, n’gor Đăk Lăk, Chính phủ Việt Nam tâm rgop đah ntŭk kan hun hao tuch tăm lam ntur neh n’hanh ntŭk kan mât ueh mih sial nđir ntơm geh ƀư nău kan n’huch rnoh nsuk ƀơ̆ ta Tây Nguyên n’hanh Duyên hải Nam Trung Bộ (RECAF), đah rnoh ntuh kơl rlău 102 rkeh đôlar.

VOV.M'nông- Nar ntri (28/1), Hội Liên hiệp Bu ur n’gor Dak Lak ƀư nta an trong rêh an hội viên bu ur ach o, geh nău rêh jêr jŏt ta ăp xã n’har bri bah n’gor.