VOV4.M'nông: Pơh rlau aơ, jêh lôch rơh rƀŭn tal 6 (Quốc hội gưl 15), ăp ntoh măt Quốc hội hŏ mâp cử tri tâm ăp nkuăl. Tâm nê, Groi Kruanh Quốc hội Trần Quang Phương hŏ mâp cử tri tâm n’gor Quảng Ngãi ndrel nkah tât nau khuch bah ma tuý, tâm dong tâm kon se nti. Hôm cử tri nkuăl ƀon têh Hồ Chí Minh ri njrăng tât nau ƀư n’gâng kan đô thị, njrăng rdâng sa khâm.

VOV4.M’nông – Măng 3/12, ta Hà Nội, N’gâng kan dak si n’hanh Prăk nkrem ntop kơl nuĭh ji ung thư “Ôi taơ uĕh ang” ƀư bôk nău kan tâm nđŭr nghệ thuật, ƀư rgop prăk nkrem ntop kơl nuĭh ji ung thư ach o”.

VOV4.M'NÔNG - Ôi aơ (2/12), ta Hà Nội ƀư rgum nchră Đại hội 13 Công đoàn Việt Nam năm kan 2023-2028 đah nău tât râng bah 1 rbăn 100 nuĭh ntơh măt an 11 rkeh đoàn viên công đoàn, công nhân viên chức nuĭh kan lam dak. 

VOV4.M’nông - Tâm 3 năm bah năp, n’gor Gia Lai lĕ kơp dơn geh rlău 2.200 kôp gŭ ur sai ơm, tâm nĕ bơi 97% rnoh kôp ur sai gŭ ơm lah nuĭh rnoi mpôl đêt. M’hâm ƀư gay n’hŭch nău gŭ ur sŏk sai ơm, ur sai êp dak ? Aơ lah nău ma ăp nău kan, nsum mpôl, ƀon lan ta Gia Lai lĕ lăp đah âk trong mkra na nê̆ tâm nĕ geh mbơh ƀư Nău nchrăp ƀư jêt mpeh “N’hŭch nu nău gŭ ur sŏk sai ơm n’hanh ur sai êp dak m’ham tâm nkual rnoi mpôl đêt lvang 2021-2025” mpeh tâm bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030.

VOV4.M'NÔNG - Nkuâl Sa Thầy lah ntŭk lor bôk năp bah n’gor Kon Tum ƀư lôch jêh  nău  kan dơn ngoăy Bí thư Chi bộ nkre ƀư kruanh thôn n’hanh Bí thư Chi bộ nkre ƀư kruanh Ban pah kan Mặt trận thôn, tĭng nuih n’hâm Nghị quyết 21, nar 16/6/2022 bah Ban Chấp hành Trung ương Đảng khóa XIII mpeh nău n’hao dăng rdâk tay mpôl kan đảng tâm dâng n’hanh n’hao săk blău rmôt kan đảng viên tâm rơh mhe. Nău dơn ngoăy hŏ kơl nkuâl ƀư glêh tam nău kan, n’hao nău dơi mât bôk kan, tĭng ƀư ăp nău dơn kan chính trị.

VOV4.M'NÔNG - Tĭng ƀư trong leo tâm rlong “Kơl an nuĭh ach o- mô an geh du hê nuĭh ndul êng bah kơi”, tâm ăp năm aơ Ủy ban Mặt trận Tổ quốc Việt Nam n’gor Dak Lak an ƀư âk nău kan ngăn ngăn gay tâm kơl nuĭh ach o nsan hao đăp mpăn nău rêh, tâm nê  geh nău tĭng ƀư bôk nău kan ntop kơl jay tâm rnglăp. Âk jay mhe rgâl an jay truh sat, hŏ kơl an ăp nuĭh ach o jêr jŏt saơ răm nuih n’hâm lơn tâm nău tâm rŏng bah nsum mpôl lam ƀon  lan.

VOV4.M’nông - Rnôk tâm lơh tâm dông geh tâm jay he, pơng mbra nău ji nuih jêr bah, ƀư roh nău uĕh lăng rnăk wâl bah ăp nuĭh he... Ndrĭ rnôk mâp nuĭh tâm lơh tâm dông rnăk wâl, he an m’hâm ƀư gay dơi mât njrăng rklaih luh tâm lơh tâm dông? Ăp nuĭh gĭt nău tâm lơh dôl geh dơi pháp luật mât njrăng rnôk phong đŏng lah mô? Moh ngih pah kan wơt dơn nău mbơh phong? Thạc sỹ-Luật sư Đỗ Đăng Khoa, Đoàn Luật sư Quận 7, nkual ƀon têh Hồ Chí Minh rblang ăp nău ôp aơ.

VOV4.M'nông-  Tâm ăp năm mhe aơ, lam trong kan chính trị ăp gưl hŏ rong an âk nău uănh khlay tât pah kan dăp rgum, ntĭm nti, kơi năp nău gĭt blău, ntăm n’hao cán bộ nkual ƀon lan rnoi mpôl đê̆; geh âk trong kơl an lor đah cán bộ bu ur rnoi mpôl đê̆. Yơn lah, pah kan cán bộ bu ur, cán bộ rnoi mpôl đê̆ aƀaơ nha mô  hŏ tŏng dơi đah nău ŭch geh. Ân geh trong nchrăp jŏ jong n’hanh trong nkra đăt ndal, lơn lah tâm pah kan tâm boh dak bah dih, lăp rgum dak bah dih. Nău nchih bah kơi  aơ nkoch tât nkô̆ nău dja.

VOV4.M'NÔNG - Ôi 22/11, Ban rđău đă 515 n’gor Gia Lai hŏ ƀư luh hăn joi, rgum nsĭt nting tahen ơm n’hanh nuĭh rnâng kan Việt Nam khĭt tâm ăp rơh tâm lơh tâm su ta Campuchia.

VOV4.M'nông: Lŏ tâm bôk rơh rƀŭn n’gul 2 rơh bah rơh rƀŭn tal 6, pơh rlau aơ, Uỷ ban Rnâng kan Quốc hội hŏ rgop nau mpeh nau nchrăp nau ntrŭnh uănh nkô̆ nau “Nau ntrŭnh ƀư ăp nau kan bah Quốc hội mpeh Bôk nau kan bah neh dak ndâk njêng ƀon lan mhe lvang năm 2021-2025, n’huch ach o nâp nâl lvang năm 2021-2025, hun hao văng sa-rêh jêng nkuăl rnoi mpôl đê̆ ndrel gôl yôk lvang năm 2021-2030” Uỷ ban Rnâng kan Quốc hội đă rgum doh rklaih ăp nau kan mpeh tơm prăk ân 3 Bôk nau kan bah neh dak, ngăn lah tơm prăk ƀư kan mô lah tơm prăk dŏng ƀa ƀơ.