VOV4.M’nông - Nuĭh Jarai ta xă Ayun, nkuăl Chư Sê, n’gor Gia Lai dôl rgum rek ba lŏ đah nău răm rhơn yor lŏ an săk geh âk. Dơi geh nău răm aơ knơm tu dak tŏ âk bah dak bât Plei Keo, ndơ ƀư dơn dơn nău uănh mĭn ntĭm rđău bah Tổng bí thư Nguyễn Phú Trọng.

VOV4.Mnông- Kêng măng nar 7/12, ta ntŭk kan kruanh dak, groi kruanh dak Võ Thị Ánh Xuân lĕ leo rơh rƀŭn nchră Hội đồng mât kơl an oh kon se Việt Nam djăt nău mbơh tơih nău geh ƀư tĭng nău kan bâh ntŭk tâm rgop kơl tâm năm 2023 n’hanh mbơh tơih nău nchrăp kan năm 2024.

VOV4.M'nông: Tât nkuăl yôk Kon Chiêng, nkuăl Mang Yang, nkah tât bu ranh Hip ri ăp nŭih kŏ ryơk păng. Đah nuih n’hâm ueh, bu ran Hip leo ƀon lam rlet âk nau jêr gay geh nau rêh hơm răm. Wa hŏ ndăn ăp nau ntrŭnh bah Đảng, pháp luật bah Ngih dak gay ma leo nkoch trêng, bonh đă ƀon lan, kơl ƀon lan rgâl nau mĭn nau kan gay ma rklaih ach o. Wa geh nau nkoch kơt lah “kon sĭm leo bôk” tâm nkuăl.

VOV4.M'nông: Pơh rlau aơ, jêh lôch rơh rƀŭn tal 6 (Quốc hội gưl 15), ăp ntoh măt Quốc hội hŏ mâp cử tri tâm ăp nkuăl. Tâm nê, Groi Kruanh Quốc hội Trần Quang Phương hŏ mâp cử tri tâm n’gor Quảng Ngãi ndrel nkah tât nau khuch bah ma tuý, tâm dong tâm kon se nti. Hôm cử tri nkuăl ƀon têh Hồ Chí Minh ri njrăng tât nau ƀư n’gâng kan đô thị, njrăng rdâng sa khâm.

VOV4.M’nông – Măng 3/12, ta Hà Nội, N’gâng kan dak si n’hanh Prăk nkrem ntop kơl nuĭh ji ung thư “Ôi taơ uĕh ang” ƀư bôk nău kan tâm nđŭr nghệ thuật, ƀư rgop prăk nkrem ntop kơl nuĭh ji ung thư ach o”.

VOV4.M'NÔNG - Ôi aơ (2/12), ta Hà Nội ƀư rgum nchră Đại hội 13 Công đoàn Việt Nam năm kan 2023-2028 đah nău tât râng bah 1 rbăn 100 nuĭh ntơh măt an 11 rkeh đoàn viên công đoàn, công nhân viên chức nuĭh kan lam dak. 

VOV4.M’nông - Tâm 3 năm bah năp, n’gor Gia Lai lĕ kơp dơn geh rlău 2.200 kôp gŭ ur sai ơm, tâm nĕ bơi 97% rnoh kôp ur sai gŭ ơm lah nuĭh rnoi mpôl đêt. M’hâm ƀư gay n’hŭch nău gŭ ur sŏk sai ơm, ur sai êp dak ? Aơ lah nău ma ăp nău kan, nsum mpôl, ƀon lan ta Gia Lai lĕ lăp đah âk trong mkra na nê̆ tâm nĕ geh mbơh ƀư Nău nchrăp ƀư jêt mpeh “N’hŭch nu nău gŭ ur sŏk sai ơm n’hanh ur sai êp dak m’ham tâm nkual rnoi mpôl đêt lvang 2021-2025” mpeh tâm bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 2021-2030.

VOV4.M'NÔNG - Nkuâl Sa Thầy lah ntŭk lor bôk năp bah n’gor Kon Tum ƀư lôch jêh  nău  kan dơn ngoăy Bí thư Chi bộ nkre ƀư kruanh thôn n’hanh Bí thư Chi bộ nkre ƀư kruanh Ban pah kan Mặt trận thôn, tĭng nuih n’hâm Nghị quyết 21, nar 16/6/2022 bah Ban Chấp hành Trung ương Đảng khóa XIII mpeh nău n’hao dăng rdâk tay mpôl kan đảng tâm dâng n’hanh n’hao săk blău rmôt kan đảng viên tâm rơh mhe. Nău dơn ngoăy hŏ kơl nkuâl ƀư glêh tam nău kan, n’hao nău dơi mât bôk kan, tĭng ƀư ăp nău dơn kan chính trị.

VOV4.M'NÔNG - Tĭng ƀư trong leo tâm rlong “Kơl an nuĭh ach o- mô an geh du hê nuĭh ndul êng bah kơi”, tâm ăp năm aơ Ủy ban Mặt trận Tổ quốc Việt Nam n’gor Dak Lak an ƀư âk nău kan ngăn ngăn gay tâm kơl nuĭh ach o nsan hao đăp mpăn nău rêh, tâm nê  geh nău tĭng ƀư bôk nău kan ntop kơl jay tâm rnglăp. Âk jay mhe rgâl an jay truh sat, hŏ kơl an ăp nuĭh ach o jêr jŏt saơ răm nuih n’hâm lơn tâm nău tâm rŏng bah nsum mpôl lam ƀon  lan.

VOV4.M’nông - Rnôk tâm lơh tâm dông geh tâm jay he, pơng mbra nău ji nuih jêr bah, ƀư roh nău uĕh lăng rnăk wâl bah ăp nuĭh he... Ndrĭ rnôk mâp nuĭh tâm lơh tâm dông rnăk wâl, he an m’hâm ƀư gay dơi mât njrăng rklaih luh tâm lơh tâm dông? Ăp nuĭh gĭt nău tâm lơh dôl geh dơi pháp luật mât njrăng rnôk phong đŏng lah mô? Moh ngih pah kan wơt dơn nău mbơh phong? Thạc sỹ-Luật sư Đỗ Đăng Khoa, Đoàn Luật sư Quận 7, nkual ƀon têh Hồ Chí Minh rblang ăp nău ôp aơ.