Lĕ dŭt nar rlu Tết âm lịch, hang rbăn nuĭh ƀon lan ta ăp n'gor Tây Nguyên dôl n'hoch hăn ndeh jŭr tât ăp n'gor mpeh bah dâng gŭ rêh  n'hanh pah kan. Ta njăr trong jong hang rhiăng cây số, kônh wa ntop geh răm tay nuih n'hâm dơi mpôl Cảnh sát giao thông kơl an dơm dak ngêt, bok nđik, bánh mì.

Quốc lộ 14 gâl hăn rlău n'gor Dak Lak n'hanh Dak Nông ăp nar dja rnoh âk ndeh lhăt bêng ndal, mpôl ndeh honda tâm tĭng n'hoch jŭr tât ăp n'gor mpeh bah dâng kơt Đồng Nai, Bình Dương, Nkual ƀon têh Hồ Chí Minh... gay joi nău rêh. Thiếu tá Nguyễn Thành Tâm, Groi Kruanh rmôt Cảnh sát giao thông mbrô 1, Jrô Cảnh sát giao thông, Công an n'gor Dak Nông an gĭt, phăt dak, bánh mì, bum prŭm lah ngoăy tâm ăp nău kan way ƀư mbro bah đơn vị rnôk an ƀư bôk nău kan ndrel nuĭh râng hăn ntung trong tâm rnôk Tết Quý Mão năm 2023 đah ŭch rŏng kơl kônh wa hăn trong đăp mpăn.

VOV Tây Nguyên/Nuĭh rblang: Điểu Thân