Ôi 2/2, ta nâm nău ƀư tơm bah Thủ tướng Chính phủ Phạm Minh Chính, Chính phủ ƀư rơh hop way ăp khay khay 01/2023. Rơh hop dơi ƀư pơk sŏng dăng tât ăp n'gor gay ŭanh năl nô nău wăng sa- rêh jêng kon nuĭh khay 1 n'hanh nău kan khay 2; nô nău an ƀư bôk nău kan dâk hao tay wăng sa- rêh jêng kon nuĭh; nô nău tâm pă, n'gluh tơm prăk ntuh kơl; an ƀư 3 bôk nău kan gưl neh dak; lor nchrăp rdâk njêng Đề án Ntŭk rgum prăp nău lư gưl neh dak; lơn lah, an ƀư ăp nău kan lôch Tết tĭng nău ntrŭnh 03 bah Thủ tướng Chính phủ.

Mbơh ta rơh hop an saơ, khay mhe aơ ƀư âk nău kan wăng sa, chính trị, rêh jêng kon nuĭh n'hanh tâm boh dak bah dih khlay. Lôch tâm nchră Chính phủ đah n'gor, Chính phủ hŏ n'gluh an dŏng Nghị quyết 01 an ƀư nău kan năm 2023 đah 6 nău mĭn, rgum tơm rđău đă n'gluh an dŏng, 11 rmôt nău dơn kan, trong nkra tơm, 142 nău dơn kan na nê̆ đah trong rƀŏng" tâm rnglăp, han săk ngăch ngăr, rgâl mhe, năn ngăch nkre geh nău dơi tam".

VOV/Nuĭh rblang: Điểu Thân