Nuĭh dâk bôk năp chính phủ lah na nê̆, tâm 1 năm ba năp, nar 11/10/2021, Chính phủ ntrŭnh Nghị quyết 128 mpeh mât đăp mpăn, gĭt kan, mât njrăng săk rnglăy nuh srê Covid-19. Tât aƀaơ, uănh tal 10 khay ba năp, nău lĕ êng, geh âk nău rgâl đah rnôk rdâk njêng nău nchrăp kan năm 2022 ma ê hŏ dơi geh gĭt njrăng lĕ.

Chính phủ rƀŭn nchră rơh ăp khay uănh năl nău wăng sa- rêh jêng khay 10 n’hanh 10 khay năm 2022 gay ma rhoăt luh nău tă blău kan, ngluh nău mpŏng kan, nău mĭn kan bâh aƀaơ tât dŭt năm 2022, mât đăp mpăn nkô̆ mpŏng lĕ mbơh tĭng nău leo kan bâh Trung ương, n’gâng kan chính trị đah nău wăng sa- rêh jêng neh dak. Thủ tướng ŭch ăp nuĭh kan ndrel chính phủ rgum nău mĭn kan, nău blău kan, tâm rgop mbơh tơih, uănh năl, rnê gay ma geh ăp nkô̆ mpŏng kan, trong kan an tâm di nkre lah mbơh tơih Nghị quyết ta rơh rƀŭn nchră gay ma nuĭh leo kan, tâm khay 11 n’hanh 12, lôch năm 2022 geh nău dơi, geh ăp nkô̆ mpŏng ngluh mbơh.