Nkhêp geh rnôk dja, UBND n'gor Dak Lak hŏ nkhôm an bằng khen an 25 mpôl n'hanh êng nuĭh geh âk nău dơi tâm rơh nsŏng kơl, ƀư Tâm rlong điều lệnh, pănh phao, võ thuật.

Kêng măng (21/10), Công an n'gor Dak Lak ƀư Tâm nchră n'glôch jêh ăp nău kan nkah ndray 60 năm Nar way ơm mpôl Cảnh sát ƀon lan. Tâm bah ri aơ nơh, Công an n'gor Dak Lak hŏ kan nsum đah Hội Văn học nghệ thuật Dak Lak ƀư an cán bộ tahen n'hanh ƀon lan râng ăp rơh tâm rlong tă bah Bộ Công an rgŏ jă.

Tâm nê, geh 4 rơh tâm rlong têh lah: rơh tâm rlong nchih joi gĭt 60 năm Nar way ơm mpôl cảnh sát ƀon lan; rơh tâm rlong nchih mpeh nkô̆ rup gui nuĭh tahen Cảnh sát ƀon lan, rơh tâm rlong nghệ thuật n'hanh video clip đah  nkô̆ "Ăp tahen geh nău dơn mât njrăng nău rêh đăp mpăn" n'hanh rơh tâm rlong Đại sứ văn hóa rŏ tâm Công an ƀon lan. Nkhêp geh rnôk dja, UBND n'gor Dak Lak hŏ nkhôm an bằng khen an 25 mpôl n'hanh êng nuĭh geh nău dơi tâm rơh nsŏng kơl, leo ƀư rơh Tâm rlong điều lệnh, pănh phao, võ thuật. Bộ Công an nkhôm an bằng khen an ăp nuĭh geh âk nău dơi  tâm nău ƀư Rơh tâm rlong rup nghệ thuật n'hanh video clip đah nkô̆ Ăp tahen geh nău dơn kan mât njrăng nău rêh đăp mpăn./.

VOV Tây Nguyên/Nuĭh rblang: Điểu Thân