UBND nkuăl ƀon têh Đà Lạt n’gor Lâm Đồng mhe ƀư rơh “Tăch byăp-kao Đà Lạt ăp ndơ kah bah neh jêng” năm 2024. Rơh tăch geh nau râng bah 120 ntŭk, ntŭk tâm boh, rnăk ƀư êng, đah 130 ndrơng ndơ byăp, kao, pâl n’aih tuch tăm, ăp ntil ndơ OCOP ueh, dăng bah nkuăl ƀon têh Đà Lạt, Bảo Lộc ndrel ăp nkuăl bah n’gor Lâm Đồng.

Êng nê, Quận 8, nkuăl ƀon têh Hồ Chí Minh ndrel ăp ntŭk kan bah nkuăl Hampyeong bah Hàn Quốc kŏ geh ndrơng ndơ tăch mbơh byăp, kao. Tĭng wa Nguyễn Văn Sơn, Groi Kruanh UBND nkuăl ƀon têh Đà Lạt, rơh tăch lah rnôk gay ƀư nơih ân ăp ntŭk, ăp nŭih ƀư nau kan tuch tăm, ê nkra, tăch rgâl byăp, kao ndrel ăp ntil ndơ dăng bah n’gor tâm mâp, tâm mbơh, joi ntŭk tăch ndơ jŏ jong. Rơh tăch byăp-kao jŏ tât lơ 15/12 tât./.