Năm aơ, rơh rlu Tết Nguyên đán jŏ, ntop đah trôk nar uĕh nđik jêng Đà Lạt-Lâm Đồng wăch rgum âk năch pâl nđaih tât uănh nsong, rlu rlău. Năch âk, du đêt ntŭk tăch ndơ ngêt sa ta nkua nklang geh rnôk âk ir yơn ăp nău ƀư geh lôch uĕh n’hanh đăp mpăn. Dôl uănh ngăn, yor rnoh năch pâl nđaih rĭng tâm ban, mô hao ndal du tơ̆ jêng khách sạn, jay rlu rlău tŏng ăp nău ŭch rlu rlău tâm măng bah năch.

Rơh tết Nguyên đán aƀaơ, Đà Lạt wăch rgum 250.000 năch pâl nđaih tât uănh nsong.

Tĭng nău kan pâl nđaih n’gor Lâm Đồng, dĭng lĕ rnoh năch pâl nđaih tât uănh nsong, rlu rlău ta Đà Lạt rơh aơ geh 250.000 nuĭh, hao 2,5 tơ̆ nkôp đah Tết Nguyên đán năm e; Tâm nĕ geh 12.500 năch dak bah dih. Aƀaơ bôl lĕ lôch rơh rlu Tết Nguyên đán yơn Đà Lạt-Lâm Đồng hôm e wăch rgum năch tât răm năm mhe.