Lôch ăp nar rlu Tết way ơm Quý Mão, ôi 27/1, jêng lah mùng 6 Tết, ăp nhih pah kan, đơn vị, doanh nghiệp ta n'gor Dak Lak hŏ plơ̆ pah kan tay đah nuih n'hâm rhơn nđơr khuh n'gôr. Ta Trung tâm Hành chính công n'gor Dak Lak, tâm nar pah kan bôk năp lôch rlu tết nguyên đán, rnoh âk nuĭh hăn ƀư siƀŭt mô hŏ âk.

Bol ma kơt nê, lĕ rngôch ăp cán bộ, công chức, viên chức hŏ plơ̆ pah kan tay đah nuih n'hâm rhơn nđơr, nchrăp rhŏ dŏng dŭt uĕh an nău ŭch geh bah nuĭh ƀon lan. Ta Rkŭm công nghiệp Tân An, Công ty Cổ phần Ban Mê Green Farm ƀư luh hăn kan, tik nklâm sầu riêng, mbrăch tăch n'gluh bôk năp bah năm mhe tât Trung Quốc, Nhật Bản. Ta mir ba, vườn tược, tâm ăp nar rlău aơ, ƀon lan Dak Lak hŏ plơ̆ tay đah nău kan mât chăm si tăm, ndơ mât lôch ăp nar rlu tết nguyên đán. Aơ lah nău mpơl rhơn, rgop tâm nău dơi tât ăp ntil nău kan, nău dơn kan hun hao wăng sa-rêh jêng kon nuĭh năm 2023 dja.

VOV Tây Nguyên/Nuĭh rblang: Điểu Thân