Năm 2022, gâl ủy ăp ntŭk lĕ uănh nđôi rlău 860 ntŭk kan đảng, uănh nđôi rlău 470 ntŭk kan đảng n’hanh rlău 2800 đảng viên. Ủy ban mât uănh ăp gâl kan lĕ uănh nđôi rnôk geh nău tih đah 11 ntŭk kan đảng n’hanh 227 đảng viên.

Ndrel đah nĕ, nău kan ƀư tĭng kỷ luật đảng geh ƀư na nê̆, di nău ntrŭnh, nău kan. gâl ủy, ủy ban uănh nđôi ăp gâl kan lĕ uănh ƀư tĭng kỷ luật 2 ntŭk kan đảng n’hanh 280 đảng viên ƀư tih. Tĭng wa Nguyễn Đình Trung, Ủy viên trung ương đảng, Bí thư n’gor Ủy Dak Lak, bâh nău uănh nđôi, uănh năl lĕ kơl an ntŭk kan Đảng n’hanh đảng viên gĭt na nê̆ nău dơi nơm gay ma n’hao nău kan, ndâk nsơm nău mô dơi, njrăng nău kan mô ueh mô di, mât nâp kỷ luật, kỉ cương bâh Đảng. Tâm let năp tay, n’gor Ủy Dak Lak geh n’hao tay nău kan uănh nđôi n’hanh ƀư tĭng kỷ luật tâm Đảng. Tâm nĕ, mât uănh rmal răng dăng ăp nău tih bâh ăp ntŭk kan, nuĭh kan tĭng ăp nău nglôch lôch bâh ntŭk kan uănh ôp nău n’hanh  kiểm toán ngih dak ta ntŭk.