N’gor Dak Lak geh nău rƀŏng năm 2025 hao jêng wăng sa geh 7%. Âk nghị quyết khlay, ndal, rhŏ an trong kan ƀĭt joet, mât uănh, hun hao wăng sa rêh jêng bah n’gor lĕ dơi mbơh an tâm rơh rƀŭn tal 9 mhe rlău. HĐND n’gor Dak Lak lĕ uănh mĭn tay, mbơh an 11 nghị quyết quy phạm pháp luật, 19 nghị quyết êng n’hanh ntrŭnh âk nkô̆ nău khlay êng.

Aơ lah nkô̆ nău, nchrŏng trong, trong ƀư, nău kơl, trong mkra ntrôl hun hao wăng rêh jêng, đăp mpăn rêh jêng. Năm 2025, Dak Lak geh nău rƀŏng hao jêng văng sa geh 7%, rĭng nău geh bôk nuĭh geh 81 rkeh prăk, sŏk ndơ̆ tơm prăk ngih dak nsrôih geh 9.000 rmen prăk, rnoh rnăk ach o hŭch bah 3% let lơ. Ntoh ngơi lôch jêh rơh rƀŭn, va Huỳnh Thị Chiến Hòa, Kruanh HĐND n’gor Dak Lak, đă ăp gưl ăp nău kan bah n’gor rgum ƀư rgâl mhe, dăp rmôt n’gâng ƀĭt joet bah trong chính trị, ngăch, rgâl mhe gay ƀư dơi ăp nău rƀŏng, nău kan lĕ n’gluh an.