Ôi 18-11, Sở Giáo dục n’hanh Đào tạo n’gor Dak Lak ƀư Lễ ntăm an săk ntơ Nhà giáo ưu tú, mpư rnê nuĭh ntoh lư năm 2024 n’hanh Nkah ndray 42 năm Nar Nai ntĭm nti Việt Nam. Puăn nai ntĭm nti bah n’gor Dak  Lak hŏ rhơn n’hao dơi dơn săk ntơ Nhà giáo ưu tú lah: wa Phạm Đăng Khoa, Kruanh Hội Khuyến học, Giám đốc ơm Sở Giáo dục n’hanh Đào tạo; wa Đỗ Tường Hiệp, Groi Giám đốc; wa Thái Thị Mỹ Bình, Chánh Văn phòng Sở Giáo dục n’hanh Đào tạo n’gor Dak Lak n’hanh wa Quách Đình Bảo, Hiệu trưởng Nhih nti tiểu học Ea Hleo, nkuâl Ea Hleo. 

Lah mbah rhơn, kruanh rđău kan UBND n’gor Dak Lak nchih nkah n’hanh mpư rnê ăp nău dơi, n’hâm suan  nău gĭt blău bah ăp nai ntĭm nti an n’gâng kan ntĭm nti bah n’gor tâm bah ri aơ nơh. Nkre ŭch rŏng, đah nău nsrôih âk, tâm rnglăp, dơn ngoăy tâm rđău kan, ƀĭt juet bah cán bộ mât bôk kan, mô sŭch bah mpôl nai ntĭm, nuĭh kan bah n’gâng kan ntĭm nti, nău nđơr tâm kơt nti bah ăp kon se, n’gâng kan ntĭm nti n’gor Dak Lak mbra rlău dơi jêr jŏt ƀư lôch jêh uĕh nău kan dơi jao.