Ta rơh rƀŭn nchră, HĐND n’gor Đăk Lăk lĕ geh ƀư tĭng nău ntrŭnh nglưh nău kan đah Groi kruanh UBND n’gor đah wa Võ Văn Cảnh, nklăch phiếu săch ntop nău kan Groi kruanh HĐND n’gor khóa 10 năm kan 2021-2026 đah wa Võ Văn Cảnh, n’gor ủy viên, tă kan groi kruanh UBND n’gor. Wa Võ Văn Cảnh geh lĕ rngôch  rnoh geh ŭch. Wa Võ Văn Cảnh deh năm 1966, ƀon tơm ta xã Bình Giang, nkuăl Thăng Bình, n’gor Quảng Nam, geh nău gĭt vât mpeh chính trị cử nhân, nău gĭt lôch nti cử nhân luật. Ta rơh rƀŭn nchră, đại biểu lĕ săch ntop nuĭh kan ƀư Groi Kruanh UBND n’gor Đăk Lăk khóa 10 năm kan 2021-2026 đah wa Trương Công Thái,  n’gor ủy viên, Bí thư Đảng ủy khối ăp ntŭk kan n’hanh doanh nghiệp n’gor. Wa Trương Công Thái geh lĕ rngôch gâl rhiăng rnoh phiếu ŭch an kan. Wa Trương Công Thái deh năm 1969, ƀon tơm ta n’gor Quảng Bình, lôch nti lý luận chính trị cao cấp, lôch nti cử nhân kinh tế, thạc sĩ kinh tế hun hao.