Ôi 8/8, Sở Công thương ăp n’gor Dak Lak, Sóc Trăng n’hanh Trà Vinh kan nsum ƀư tâm nchră buăt nthoi tăch rgâl ndơ tuch tăm năm 2024. Râng tâm nchră geh kruanh Sở Công thương, ntŭk rgum ntrŭt ntrôl ngăch tăch rgâl n’hanh rlău 60 đơn vị, doanh nghiệp, hợp tác xã, nuĭh tâm pă ndơ tăch pe n’gor. Ta tâm nchră, ntơh măt n’gâng kan công thương bah pe n’gor Dak Lak, Trà Vinh n’hanh Sóc Trăng hŏ nkoch nău săk geh, dơh uĕh tâm trong kan tuch  tăm,  nkret njêng ndơ tuch tăm,  nău ŭch geh buăt nthoi, pơk hvi ntŭk tăch an ăp ndơ tuch tăm tơm khlay bah n’gor.

Ntơh măt ăp doanh nghiệp, hợp tác xã hŏ nkoch mbơh mpeh nău ŭch tâm buăt nthoi tăch ndơ tuch tăm. Bah meng tâm nchră, doanh nghiệp 3 n’gor hŏ pla n’hơ, nkoch mbơh ndơ geh ƀư ntĭt êng, ntoh lư; tâm ôp nău dơi geh tơm ndơ tăch, tăch ndơ n’hanh nău ŭch geh buăt nthoi trong tăch đah ăp băl tâm boh, hăn tât tâm nchră buăt nthoi tâm rsong tăch rgâl. Nkhêp geh rnôk dja, geh 29 siƀŭt nchih nkah tâm boh tăch rgâl  ndơ tuch tăm đah ăp doanh nghiệp, hợp tác xã n’hanh nuĭh tơm tâm pă tăch ndơ bah pe n’gor dơi ký ton.