Wa Phạm Tuấn Anh, Giám đốc ntŭk kan tuch tăm mât rong n’hanh hun hao ƀon lan n’gor Dak Nông an gĭt, bâh khay 9/2019 tât bôk khay 10/2022, lam n’gor geh 113 cán bộ mât uănh bri, nuĭh kan mât bri dăn rlu kan, 35 nuĭh rgâl ntŭk kan tât n’gâng kan êng.

Rnoh nuĭh rlu kan n’hanh rgâl nău kan geh tât 20% lĕ rnoh cán bộ, nuĭh kan ta ntŭk kan mât uănh bri, mât uănh tăm bri n’hanh ăp công ty mât bri bâh ngih dak mât uănh. nău âk cán bộ mât bri rlu kan lơ ma ƀư jêr an n’gâng kan mât uănh bri ta Dak Nông, rnôk ma mpôl kan mô âk yơn lah mât leo âk nău kan, mât uănh âk ntŭk đah rnoh bri têh. Nău aơ lĕ khuch âk tât nău mĭn bâh ăp nuĭh dôl pah kan, ăp nar lơ ma âk nuĭh rlu kan mô lah rgâl ntŭk kan. Gay ma njrăng nău aơ, wa Phạm Tuấn Anh an gĭt, n’gâng kan tuch tăm mât rong n’hanh hun hao ƀon lan mbra mbơh an n’gor du đê̆ nău kơl an, gay ma geh nău dơi nău geh, kơl gay ma nuĭh pah kan mât đăp mpăn pah kan mât bri.

Người bảo vệ rừng làm việc trong điều kiện rất khó khăn, nguy hiểm luôn rình rập, trong khi thu nhập thấp, không đáp ứng được nhu cầu cuộc sống