Rlau 10 nar ma aơ, tâm ntŭk ƀư Đăng kiểm ndeh 48-01D-Dak Nông, ntơm bah ôi ơm, ndeh ô tô drăp jêng 3 ntrong tâm nthoi ntơm bah mpông gay ma kâp geh lăp đăng kiểm. Tĭng rđau kan bah Công ty Cổ phần đăng kiểm ndeh Dak Nông, nau ndeh nkol hŏ geh tâm 2 pơh ma aơ, rnoh ndeh âk ngăn rlau 3 tŏ rđil đah bah năp nê. Wa Nguyễn Xuân Diện, Giám đốc Công ty mbơh, gay tŏng nau ŭch dŏng, ntrong ƀư đăng kiểm pah kan lôch nau dơi.

 Ăp nŭih pah kan kŏ ntop tay 2 mông ƀư kan tâm ăp nar ndrel ƀư n’ăp ma nar rlu dŭt pơh. Nkô̆ nau yor dŭt năm ri ndeh hăn tât đăng kiểm lơn ma âk, di gưl yor ndeh tâm ăp nkuăl mpeh ba dâng nsŭn sĭt, rnôk ma âk ntŭk đăng kiểm tâm nkuăl ƀon têh Hồ Chí Minh nsrŭng ƀư kan./.