Ôi 13/12, ta Hà Nội, Đảng bộ Khối ăp nhih pah kan Trung ương ƀư Tâm nchră Ban Chấp hành pơk hvi n’glôch jêh Nghị quyết mbrô 18 nar 25/10/2017 bah Ban Chấp hành Trung ương Đảng khóa XII "Du đêt nkô̆ nău mpeh rgâl mhe tay, dăp rgum nuĭh kan bah lam trong kan chính trị glêh tam, nău kan nsĭt nău dơi, nău tam".

N’glôch jêh tâm nchră, Groi Bí thư Rnâng kan Đảng ủy Khối Lại Xuân Lâm lah rjăp, nkô̆ ntơm bah aơ tât rnôk n’glêh an dŭt bah nău kan n’hanh njêng Đảng bộ mhe, ăp gưl ủy mpeh nhih pah kan tĭng ƀư tay nău dơn kan dơi jao, lĕ mpeh rdâk njêng Đảng n’hanh pah kan chuyên môn; nsrôih gŭ mĭn, nsŏng kơl Ban rđău đă Trung ương, Bộ Chính trị mpeh dăp rgum nuĭh kan. Ăp gưl ủy mpeh nhih pah kan ƀư jăp pah kan chính trị, nău mĭn, n’hao dăng pah kan nkoch trêng gay lĕ rngôch cán bộ, đảng viên lôch jêh uĕh nău dơn kan n’hanh nău nsing nơm ngăn tâm nău rđău kan bah Đảng tâm nău dăp rgum, glêh tam nuĭh kan.