Lŏ rơh rƀŭn tal 9, Quốc hội gưl 15, lơ 13/5, Quốc hội tâm nchră tâm ngih rƀŭn mpeh du đê̆ nkô̆ nau hôm êng êng bah nau nchrăp Luật mât ndrel ntuh kơl tơm prăk ngih dak bah ntŭk kan. Ân geh ƀư nâp nau kan gay đăp mpăn ntŭk kan geh nchrăp mât, dŏng tơm prăk Ngih dak ân tam, mô lơih roh rui nê lah nau kan geh âk nŭih uănh khlay. Nau nchrăp Luật mât ndrel ntuh kơl tơm prăk ngih dak tâm ntŭk kan lah rjăp nau:

Ngih dak lah du ntŭk ntuh kơl tơm prăk ta ntŭk ƀư nau kan tăch rgâl, mô geh leo lăp tâm nau ƀư hành chính ndrel nau kan ndrel mât ƀư bah ntŭk kan nê, đăp mpăn ăp nau dơi bah tơm ntuh kơl tơm prăk, rgop prăk. Nchrăp Luật geh ndâk ƀư gay nkre n’hao nau tam nau mât tơm prăk ngih dak nkre njêng nau kan pháp lý nâp nâl gay ăp ntŭk kan geh tơm prăk ngih dak dŏng ƀư tĭng nau kan bah ntŭk kan, nau ntur rlong ân tâm ban ndrel hun hao nâp nâl, rgop nau khlay tâm nau ƀư ăp nkô̆ nau bah neh dak tâm lvang năm 2021-2030./.