Lam dak aƀaơ geh bơi tât 9 rkeh đội viên, rlău 7 rkeh mom ndăm, oh kon se dôl nti, gŭ kan ta 25 rbăn liên đội tâm ăp ngih nti ngih dak n’hanh bah dih ngih dak mât.

Tâm ba năp nơh, nău kan mât chăm, ntĭm nti an oh mon, kon se jê̆ bâh ăp gâl kan Đoàn Đội lĕ geh ƀư geh săk rnglăy. Kanŭng êng bâh năm 2018 tât aƀaơ, lam ntŭk kan Đoàn rdâk njêng mhe geh rlău 12.400 ntŭk pâl rlưn, kơt nti n’hanh kơl an rlău 3 rkeh 800 mom ndăm geh nău rêh jêr jŏt đah lĕ rnoh khlăy rlău 2 rbăn 600 rmen prăk.

Ndrel đah nĕ lah mbơh tơih âk nău kan di, ueh nău mĭn kan mhe, tâm di n’hanh geh gĭt đah âk ƀon lan, oh kon se, mom ndăm. Rơh rƀŭn nchră rgum tâm nchră, tâm rgop âk nău ta ăp nău mbơh tơih bôk nău kan, tâm nchră ăp nkô̆ nău mpeh mbơh tơih an geh săk rnglăy nău kan tâm mom ndăm oh kon se Việt Nam tâm rlong ƀư tĭng 5 nău wa Hồ nti, n’hao nău mĭn kan tâm nău mbơh tơih pah kan leo ƀư kan Đội tâm nău kơl rdâk njêng ntŭk tâm mâp rgum, pâl rlưn an oh kon se, nău kan na nê̆ kơl an, kơl mât oh kon se geh nău rêh jêr jŏt, n’hanh n’hao săk rnglăy nău kan njrăng, rdâng rmok dak ta oh kon se...