Ôi lơ 16/11, rmôt kan ntoh măt Quốc hội n’gor Kon Tum ƀư tâm mâp ma cử tri lah đoàn viên, nŭih kan bah năp rơh rƀŭn tal 8, Quốc hội gưl XV gay kơp dơn ăp nau đă, nau mbơh, râng rgop nau đah 3 nau nchrăp Luật (rgâl nkra) geh tât nau tâm boh rjăp geh tât nau dơi bah nŭih kan. Đah nau nchrăp Luật Công đoàn (rgâl nkra) Rmôt kan ntoh măt Quốc hội n’gor Kon Tum ndơn geh 6 nkô̆ nau đă, mbơh, râng rgop bah đoàn viên, nŭih pah kan; Nau nchrăp Luật kan pah (rgâl nkra) ndrel nau nchrăp Luật rgâl nkra, ntop tay du đê̆ điều bah Luật Bảo hiểm y tế ăp nau nchrăp Luật ndơn geh 5 nau đă, rgâl nkra, mbơh ntop.

Nkô̆ nau ăp nau đă, mbơh, râng rgop nau bah đoàn viên, nŭih pah kan bah n’gor Kon Tum đah 3 nau nchrăp Luật (rgâl nkra) kŏ nsing tâm nau pah kan, nau rƀŭn rgum, ntĭm nti, nau kơl an, nau ntrŭnh ndrel đah nau ŭch ntrŭnh bah Luật mra tâm dăch ma nau rêh. Tâm nchră đah ăp cử tri lah đoàn viên, nŭih pah kan, wa Phạm Đình Thanh, Groi Kruanh rmôt kan bư nau kan bah ntoh măt Quốc hội n’gor Kon Tum kơp dơn, ân lah âk nau đă, mbơh, râng rgop nau bah đoàn viên ndrel nŭih pah kan lah nau tâm di ngăn./.