Ôi lơ 4/11, n’gor uỷ Gia Lai ƀư rơh rƀŭn lôch 5 năm ƀư Bôk nau kan hun hao nau kan pâl n’aih bah nkuăl. Rơh rƀŭn hŏ nchrăp luh nau kan tât năm 2025, Gia Lai vơt nklăp 2,1 rkeh tŏ năch, rnoh geh prăk ƀư pâl n’aih nklăp 1.400 rmen. 5 năm rlau aơ, nau kan hun hao pâl n’aih tâm Gia Lai geh nau rgâl ueh, rnoh geh prăk ndrel rnoh năch pâl n’aih bah ăp năm đăp mpăn.

Lvang năm 2017-2021, rnoh geh prăk tnuh kơl ntŭk ntu ƀư nau kan pâl n’aih rlau 245 rmen, rgum tâm ăp nau kan pâl n’aih tơm khlay ndrel geh nau dơi dŏng ngăch. Lvang năm 2022-2025, Gia Lai rƀŏng trong hun hao nâp nâl bah ăp nau hun hao ndơ tơm ơm geh gay ma pơk nau mhe ân nau kan pâl n’aih Gia Lai, kơt: Bôk nau kan pâl n’aih Biển Hồ-Chư Đăng Ya, nkuăl pâl n’aih leng dak Phú Cường, nkuăl pâl n’aih Vường Quốc Gia Kon Ka Kinh, nkuăl mât bri ơm Kon Ka Kinh nkuăl mât njrăng bri gle Kon Chư Răng, nglau Ayun Hạ, nglau thuỷ điện Sê San 4-Thác Mơ. Nau ntơm njêng ăp nau kan pala n’aih nsum mpôl, pâl n’aih ƀon lan./.