Gay đăp mpăn rnă njrăng n'har bri tâm rnôk Tết Nguyên đán Quý Mão 2023, Bộ chỉ huy tahen n'har bri n'gor Gia Lai n'hao dăng rlăch ndăng đah ăp nuĭh tih pháp luật ta n'har bri. Bộ Chỉ huy tahen n'har bri ngor Gia Lai hŏ rđău  đă 8 pôih n'har bri rgum mpôl tahen, n'hao dăng ăp trong mât njrăng, leo mât njrăng, ôp uănh, groi nđôi, mât kân lhăt 80km trong n'har bri.

Nkre, ntrôl dăng pah kan rlăch ndăng đah ăp ntil nuĭh tih n'hanh nău tih pháp luật êng ƀa ƀă, lơn lah mpeh ma túy, tăch n'glăp ntŭng, mplư rlăm tăch rgâl, tăch rvăt, nchuăn rdeng, dŏng pháo rtoh bah năp,  tâm n'hanh bah kơi Tết Nguyên đán. Bộ Chỉ huy Tahen n'har bri n'gor Gia Lai kan nsum đah ăp mpôl kan dơi kan bah Campuchia gay ŭanh năl ăp nău tât bah dih, nkre kan nsum lhăt đah ăp mpôl  kan dơi kan ta nkual n'har bri, ƀư jăp pah kan njrăng n'gang, lor nchrăp rlăch ndăng, n'hanh rmal lĕ rngôch ăp nău tih.

VOV Tây Nguyên/Nuĭh rblang: Điểu Thân