Ôi 13/1, Sở Văn hóa, Thể thao n'hanh Pâl nđaih n'gor Gia Lai hŏ ƀư Lễ ntơm pơk Hội Báo Xuân Quý Mão 2023. Hội Báo Xuân Quý Mão 2023 pla n'hơ, nkoch mbơh 250 ntil báo xuân Trung ương, 63 ntil báo xuân bah ăp n'gor lam  dak n'hanh 20 ntil báo, tạp chí bah ăp nhih pah kan báo chí geh phóng viên way gŭ kan- văn phòng ntơh măt ta n'gor Gia Lai.

Hội Báo xuân hŏ nkoch n'hơ tât lam nuĭh rlău 900 ấn phẩm đah âk têh jê̆, âk nău nchih rgum ăp tŏng ăp rup ndrang uĕh mpeh păng rup lam lĕ rngôch mpeh wăng sa, văn hóa- rêh jêng kon nuĭh, rnă njrăng neh dak....tâm năm rlău aơ. Ma trong pla n'hơ, ăp nuĭh răk uănh hŏ geh nău uănh gĭt lam lĕ rngôch, âk ding mpeh ăp nău nsrôih bah lam Đảng, tahen n'hanh ƀon lan he rlău jêr jŏt, ntul rlong bah năp nô nău lam ntŭr neh geh tât âk krit jêr. Dŭt ntoh lư lah nkô̆ mpeh Kruanh Hồ Chí Minh n'hanh trong uănh têh jong lăp rgum n'hanh hun hao neh dak; rlău dơi săk he nơm, Đảng ƀư geh âk nău dơi têh; nking nchăng sa khâm bah n'gu tơm, rdâk tay nău nsing nơm  tâm ƀon lan….

VOV Tây Nguyên/Nuĭh rblang: Điểu Thân