Dơn nău nchră bah Groi Kruanh dak Võ Thị Ánh Xuân, Thái tử ndơn kan Đan Mạch Frederik n’hanh Công nương Mary Elizabeth khâl Việt Nam bah nar 31/10 tât 3/11. Ôi 1/11, jêh ƀư wơt na nê̆ ta Ntŭk Kruanh dak, Groi Kruanh dak Võ Thị Ánh Xuân răm rhơn ta năp nău tâm boh đah Thái tử ndơn kan Đan Mạch.

Groi Kruanh dak Võ Thị Ánh Xuân wơt n’hanh rgum nchră đah Thái tử ndơn kan Frederik

Groi Kraunh dak Võ Thị Ánh Xuân rhơn ta năp nău tâm boh dăch dêh n’hanh kan ndrel âk ntil đah 2 dak dôl hun hao jru hvi n’hanh nsrôih lĕ rngôch ăp nău kan, ngăn lah ntuh kơl, kan ndrel ŭnh nar, ntŭk ntô n’hanh tâm di đah rgâl trôk nar, ntĭm nti, văn hóa,... Groi Kruanh dak Võ Thị Ánh Xuân mpŏng nar lơ geh âk doanh nghiệp Đan Mạch ntuh kơl, tăch rgâl săk rnglăy ta Việt Nam tâm ăp nău kan ma Đan Mạch geh têh n’hanh Việt Nam geh nău ŭch.