Ndơn kan an Ủy ban rnâng kan Quốc hội, groi kruanh rnâng kan Quốc hội Trần Thanh Mẫn njoăl tât nuĭh leo kan n’gor Hậu Giang, nkuăl Châu Thành A, xã Thạnh Xuân n’hanh ăp rnăk dơi kơl, rnăk ach o, nuĭh pah kan, nuĭh kan jêr jŏt ta nkuăl Châu Thành A, n’gor Hậu Giang nău ôp khâl na nê̆ n’hanh nău rhơn ueh lăng ngăn.

Groi kruanh rnâng kan Quốc hội nkah đă n’gor Hậu Giang an geh mât uănh n’hao nău rêh, nău mĭn ndơ dŏng an ăp rnăk dơi kơl, rnăk ach o, nuĭh pah kan geh nău rêh jêr jŏt, ntĭm mbơh nuĭh ƀon lan rgâl mhe tơm tăm, kon rong tĭng trong pah kan kloh ueh, geh njoat rdâk njêng nău ntơ ndơ tuch tăm kloh ueh, doh rklaih nău tăch rvăt ndơ tuch tăm an ƀon lan, n’hao nău gĭt vât nău nti an oh kon rnăk dơi kơl, rnăk ach o.