Nar 27/11, ta Hà Nội, Groi Thủ tướng, Bộ trưởng Ngoại giao Bùi Thanh Sơn hŏ geh rơh tâm nchră pơk sŏng dăng đah Bộ trưởng Ngoại giao Lào Thongsavanh Phomvihane. Ta tâm nchră, bar ding mpơl nău rhơn mpeh tâm boh tâm rnglăp têh kuâng, tâm rnglăp mha êng n’hanh tâm boh lam lĕ rngôch Việt Nam - Lào nar lơn ma tâng jru, nsĭt tay nău geh ngăn ngăn an nuĭh ƀon lan bar dak; rnê âk tâm boh lhăt, nsĭt geh nău dơi đah bar Bộ Ngoại giao tâm bah ri aơ.

Mpeh trong rƀŏng let năp tay, bar ding tâm ban ŭch nchrăp uĕh tay an rơh tâm mâp kruanh gưl têh pe dak Việt Nam-Lào-Campuchia, Rơh hop tâl 47 Ủy ban bar Chính phủ bar dak n’hanh nsŏng kơl trong kan chính trị gưl Bộ trưởng Ngoại giao Việt Nam - Lào tâl 11. Groi Thủ tướng, Bộ trưởng Bùi Thanh Sơn dăn đă bar ding kan nsum tay lhăt n’hanh tâm kơl nsum ta ăp rgum nchră dak bah dih  n’hanh tâm nkual; n’hao dăng tâm nkoch nău mĭn  mpeh ăp nkô̆ nău dak bah dih n’hanh nkual ndrel uănh khlay.