Ôi lơ 28/12, Groi Thủ tướng Lê Minh Khái, Kruanh Rnâng kan rđau rnoh tăch bah Chính phủ ƀư tơm nar rƀŭn lôch năm bah Rnâng kan rđau nau kan ntrŭnh ƀư nau kan tâm rơh tât.

Tĭng nau mbơh bah N’gâng kan tơm prăk, tâm 11 khay năm 2022, CPI hao 3,02% rđil đah rơh aơ năm e; nau hao khlay geh 2,38%. CPI tâm năm 2022 nchrăp mra hao 3,1-3,2% rđil đah năm 2021, rnoh mrô hao khlay ndơ tâm nau nchâp đă bah Quốc hội đă luh...Yơn lah, êp ăp nau tă geh dơi, nau kan mât rđau rnoh tăch kŏ geh du đê̆ nau hôm kol, ê dơi mpeh nau ndâk njêng, ƀư jêh nau kan, nau ntrŭnh bah pháp luật tâm nau kan rnoh tăch...

Groi Thủ tướng Lê Minh Khái lah rjăp, ân geh ƀư ntop tay ăp nau kan tơm tâm nau mât, rđau rnoh tăch năm 2023, kơt: N’hao nau mât kan, rđau rnoh tăch tâm rơh tết năm mhe Quý Mão, rđau ăp ntil rnoh ndơ tăch bah Ngih dak mât ueh lơn tâm ăp khay bôk năm gay ma geh nau dơi njêng nau đăp mpăn ân ăp nau kan nkân njrăng nau hao khlay ndơ bah lôch năm, nchrăp ndrel ƀư ueh tâm nau mât, rđau rnoh tăch lôch năm 2023./.