Tập đoàn LEGO mbra ntuh kơl, ndâk ƀư ngih măy rnoh neh 44 ha ta nkual công nghiệp VSIP III, đah dĭng lĕ prăk ntuh kơl 1,3 rmen đôlar. Aơ lah ngih măy tal 6 ta lam ntŭr neh n’hanh tal 2 ta châu Á bah Tập đoàn LEGO. Ta Việt Nam aơ lah nău nchrăp ƀư ntuh kơl têh ngăn bah nuĭh ntuh kơl Đan Mạch.

Nchrăp, Ngih măy bah Tập đoàn LEGO mbra pah kan tâm năm 2024 n’hanh mbra nta an nău kan nklăp 4.000 nuĭh pah kan. Aơ lah ngih măy bôk năp tâm nkual công nghiệp VSIP III ta Bình Dương. Ntoh măt Tập đoàn LEGO an gĭt, aơ lah ngih măy bôk năp bah Tập đoàn LEGO dơi hun hao tĭnh uĕh nđĭr, nâp nâl n’hanh uĕh đah ntŭk ntô gŭ âm đah nău ŭch nsuk m’hŭl cacbon.