26/11, ta Ngih Chính phủ, Groi Thủ tướng Rnâng kan Chính phủ Nguyễn Hòa Bình, pah kan na nê̆ tâm rgop trực tuyến đah 3 n’gâng kan n’hanh 8 n’gor mpeh trong kan nkra rgâl sam ƀŭt hành chính. Ăp n’gâng kan râng rơh rƀŭn geh: n’gâng kan mât njrăng bri dak, tâm rnglăp nchră nău, Thông tin n’hanh Truyền thông n’hanh 8 n’gor geh: Hà Nội, nkual ƀon têh Hồ Chí Minh, Hải Phòng, Đà Nẵng, Cần Thơ, Quảng Ninh, Hải Dương, Tây Ninh. Tĭng nău mbơh bah 3 n’gâng kan, 8 n’gor, năm bah năp nău ƀư tĭng, mkra sam ƀŭt hành chính, pă an rhŏ nău kan nsum, ăp n’gâng kan, n’gor lĕ geh âk nău nsrôih n’hanh geh du đêt săk rnglăy ntoh lư.

Ntoh ngơi ta nar pah kan, Groi Thủ tướng Rnâng kan Chính phủ Nguyễn Hòa Bình lah rjăp aơ lah ngoăy tâm âk nău kan khlay, mkra dŭt n’hâm ndâk nkra n’hanh ntrôl hao jêng wăng sa, rgâl ntŭk ntô ntuh kơl tăch rgâl. Nkre nkoch kloh, nău rƀŏng geh jêng trong hành chính kloh soih, yor nuĭh ƀon lan rhŏ an-aơ lah ntĭm rđău dŭt n’hâm bah Đảng, Ngih dak he. Nău dơi năl ăp ntŭk kol, hôm e nkân mbra mkra ăp nău mô hŏ dơi ƀư, dơi geh dơh an nuĭh ƀon lan, doanh nghiệp rnôk ƀư ăp sam ƀŭt hành chính.