Lơ 27/12, Groi Thủ tướng Vũ Đức Đam ƀư tơm rơh rƀŭn rnâng kan rđau kan bah Trung ương mpeh nau răk kloh ndơ ngêt sa. Nau mbơh bah N’gâng kan dak si ân saơ, năm 2022, ntrong kan pháp luật mpeh nau răk kloh ndơ ngêt sa mra jêh dơi, nau kan nkoch trêng mpeh nau nkoch trêng lŏ geh ntrŭt dăng, nau ŭch kơt tĭng pháp luật bah ăp ntŭk kan aơ lơn ma n’hao prêh.

Yơn lah, bah nau mêt uănh, hôm saơ âk ntŭk hôm geh nau tih, hŏ rklaih mhal rlau 7.600 ntŭk, đah rnoh prăk mhal rlau 75 rmen. Ntoh nau tâm nar rƀŭn, Groi Thủ tướng Vũ Đức Đam đă n’gâng kan dak si lŏ n’hao nau kan ntrŭt dăng nau kan mêt uănh, tâm ăp ngih chợ, ntŭk tăch ndơ sa hôm rih gay ma saơ ăp ntil ndơ mô kloh klah, tâm rgop gay ma leo uănh năl, ơm saơ ăp ntil ndơ mô kloh gay ma ơm geh nau nkah mbơh ơm ngăn./.