Ôi 16/7, HĐND n’gor Lâm Đồng gưl X năm kan 2025-2030 ntơm ƀư rơh rƀŭn tal 2 năm 2025. Aơ lah rơh rƀŭn bôk năp jêh rnôk rnglăp bah 3 n’gor Dak Nông, Bình thuận, Lâm Đồng jêng du n’gor mhe. Nau mbơh tâm rơh rƀŭn ân saơ, 6 kay bôk năm, n’gor Lâm Đồng geh âk nau dơi: GRDP hao bơi tât 6%, nau geh ƀư kan 7,9%, nau geh tơm prăk rlau 16.800 rmen, hao 19%, nau tăch luh geh rlau 1,5 rmen đôla. N’gor hŏ ƀư jêh bar ntŭk kan tơm khay, ntoi trong hăn Bắc Nam ndrel trong mper dak lêng Nam Phan Thiết, nkre ƀư jêh bôk nau kan jut ngih truh sat.

Ntoh nau tâm nar rƀŭn, Kruanh HĐND n’gor Trần Hồng Thái mbơh kloh nau jêr gay rklaih tâm rơh tât, kơt: N’hao nau hun hao ê geh tâm ban ma nau dăng, pă tơm prăk ntuh kơl hôm dêh.  Rơh rƀŭn rgum nchră, ntrŭnh ăp nau kan khlay mpeh tơm prăk, nau kan kơl an cán bộ jêh dăp rgum ndrel ntrong kan hun hao văng sa, rêh jêng./.