Tâm pe nar, ntơm bah 1 tât 4/11, ta nkuâl Kon Plông, n'gor Kon Tum, Ban rđău đă gưl neh dak mpeh njrăng n'gang trôk nar lơh ƀư tâm nchră kơi năp nti, n'hao nău blău kan an cán bộ ƀư pah kan njrăng n'gang trôk nar lơh n'hanh mpôl hăn lor kơl pah kan njrăng n'gang trôk nar lơh gưl xã.

Ăp nuĭh nti dơi ntĭm nti ăp nkô̆ rgum tơm tâm ndrôm "Siƀŭt kơi năp nti nău gĭt njrăng lor trôk nar lơh gưl xã”. Nkhêp geh rnôk dja, ăp nuĭh rnâng kan rblang, ndơ̆ luh trong nkra gay n'gâng kan, mpôl kan dơi kan lor nchrăp rdâng lơh đah nô  nău geh tât n'gơ neh ta ntŭk. Nkhêp geh rnôk dja, Ban rđău đă gưl neh dak mpeh njrăng n'gang trôk nar lơh pă an ndơ ntrŭp dŏng an du đêt mpôl hăn lor rdâng lơh nău tât an ăp n'gor: Kon Tum, Gia Lai, Dak Lak, Dak Nông, Lâm Đồng n'hanh Quảng Nam.

VOV Tây Nguyên/Nuĭh rblang: Điểu Thân