Lam n'gor Kon Tum aƀaơ geh 87 ntŭk tăch rgâl pring, xăng ăp năm tăch luh âk nklăp 120.000m3. Aƀaơ bol ntŭk tăch pring, xăng geh nău tât mô uĕh yơn ăp ntŭk tăch pring, xăng ta Kon Tum hôm tŏng geh tơm ndơ tăch đŏng.

Lah doanh nghiệp Ngih dak âk nklăp 65% ntŭk tăch rgâl pring, xăng bah n'gor, ntơh măt ntŭk tăch pring, xăng Kon Tum lah rjăp, Petrolimex Kon Tum mbra đăp mpăn tŏng ăp tơm pring, xăng tăch tâm ăp khay kêng dŭt năm. Wa Nguyễn Văn Thành, Groi Giám đốc ntŭk tăch pring, xăng ta Kon Tum, an gĭt lĕ rngôch rnoh âk ntêm bah ntŭk tăch mpeh Petrolimex Kon Tum nklăp 2.300 m3 n'hanh way mât ta rnoh ntêm rĭng geh 80%. Đah rnoh âk ntêm dja, nkhêp geh nău tât ndal, Petrolimex Kon Tum mbra tŏng geh ndơ tăch an nuĭh ƀon lan ntơm bah 15- 20 nar. Ndrel đah nê đơn vị lor nchrăp pah kan đah ăp tơm pă an pring, xăng mô an geh tăch pruăt ndơ tăch, lĕ ndơ  tăch tâm ăp khay kêng dŭt năm./.

VOV Tây Nguyên/Nuĭh rblang: Điểu Thân