Kêng măng 17/12, UBND n’gor Kon Tum ƀư mâp măt way ơm di nkah gĭt 80 năm Nar ndâk njêng Tahen ƀon lan Việt Nam n’hanh 35 năm Nar rgum mât njrăng bri dak lam ƀon lan. Râng nar mâp măt geh ntoh măt N’gâng kan Tư lệnh Quân khu 5, kruanh n’gor Kon Tum ăp rơh, Anh hùng lực lượng vũ trang Nhân dân n’hanh 185 đại biểu lah cán bộ gưl prêh tahen rlu ranh.

Ta nar mâp măt, ăp đại biểu ndrel djăt nău njroh mprơ đah bôk nău “80 năm nteh n’gôr mro khúc quân hành”, nkah gĭt tay nău way ơm nău dơi ơm, n’hâm soan bah Tahen Ƀon lan Việt Nam tâm 80 năm bah năp, rgop mât nâp đăp mpăn, ƀư tơm, kơp dơn ngoăy, đăp mpăn bah neh dak, mât njrăng nău geh bah neh dak, rnoi nuĭh; mât njrăng Đảng, Ngih dak, Nuĭh ƀon lan n’hanh nău rêh jêng kon nuĭh ƀư tơm; mât nâp đăp mpăn chính trị, ntŭk ntô đăp mpăn gay ndâk njêng n’hanh hun hao neh dak.